9-sentabr kuni Xitoyda BYD Leopard Titanium 7 savdosi boshlanadi. Bu haqda ITHome texnologiya nashri xabar bermoqda.
Boshlang‘ich narx 230 ming yuan ($32 ming) etib belgilangan. Model to‘rt xil versiyada taqdim etiladi va hozirda mamlakat bo‘ylab 300 dan ortiq diler markazlarida buyurtma qabul qilinmoqda.
Titanium 7 4999×1995×1865 mm o‘lchamdagi, 2920 mm g‘ildirak bazasiga ega, besh o‘rinli o‘rta hajmli krossover. Avtomobil BYD kamera nazoratiga ega intellektual haydovchi yordamchisi va lazer tizimi bilan jihozlanadi.
Shuningdek, Lingyuan texnologiyasi yordamida dronlarni boshqarish imkonini beradi. Ular 25 km/soat tezlikda uchib qo‘nishi, to‘siqlardan qochishi va aerofotos’yomka qilishi mumkin.
Pogon variantlaridan biri 35,6 kVt/soat akkumulyator bilan 180 km elektr yo‘l zaxirasini taklif etadi va to‘liq g‘ildirakdan tortish tizimiga ega. Arzonroq versiyada esa 26,6 kVt/soat batareya qo‘llanilib, 135 km elektr yurish masofasi beriladi. Umumiy gibrid zaxira esa 1300 km dan oshadi.
Quvvat konfiguratsiyasi ikki xil: oldinda 160 kVt va orqada 200 kVt dvigatelli to‘liq g‘ildirakdan tortish yoki bitta orqa dvigatelli versiya.
Eslatib o‘tamiz, Kursiv Uzbekistan BYD Yangwang U9 472 km/soat tezlikka chiqib, dunyo rekordini o‘rnatgani haqida yozgan edi.
