Issiqlik tarmoqlarini ta’mirlash muddatlari qachon

Toshkent shahrida shu yilning 9-sentabridan 26-sentabrigacha issiqlik tarmoqlarini mustahkamlik va zichlikka sinovdan o‘tkazish ishlari amalga oshiriladi. Bu haqda Veolia Energy Tashkent xabar berdi.

Bu jarayon quvurlarda nosozliklarni aniqlash, ularni bartaraf etish va qish mavsumida aholiga barqaror issiqlik hamda issiq suv yetkazib berishni ta’minlashga xizmat qiladi.

Sinovlar mutaxassislar nazorati ostida, tasdiqlangan jadval asosida o‘tkaziladi. Ishlar, asosan, tungi soatlarda (00:00 – 06:00) bajariladi. Issiqlik punktlari vaqtinchalik o‘chiriladi, ammo issiq suv ta’minoti cheklanmaydi.

Jadval (asosiy va rezerv sanalar):

Sana (asosiy)	Sana (rezerv)	Hudud/IM
9-sentabr	24-sentabr	7-IM – Qorasuv, Beshariq, Birlashgan, Elbek, Asalobod, Quruvchilar, Uysozlar, Parkent, Cho‘lpon, Alimkent ko‘chalari, Ohangaron shossesi, Tuzel-1÷4, Aviasozlar shaharchasi
9-sentabr	24-sentabr	ToshIEM (M-0) – Sharof Rashidov, Bobur, Shota Rustaveli, Glinka, Bog‘ibo‘ston, Arnasoy, Katta Chilonzor, Afrosiyob, Oybek, Mirobod va boshqalar
10-sentabr	17-sentabr	1-IM (M-1,4) – Mustaqillik shoh ko‘chasi, Mirzo Ulug‘bek, Buyuk Ipak yo‘li, Qori Niyoziy, ToshGRES posyolkasi va boshqalar
10-sentabr	17-sentabr	10-IM – Beltepa, Forobiy, Mirzo G‘olib, Universitet, Qoraqamish, O‘zMU, ToshDTU hududlari
11-sentabr	18-sentabr	4-IM (M-4,8) – Amir Temur shoh ko‘chasi, Ahmad Donish, Shahriston, Yangi Yunusobod, Yunusobod dahasi 1÷19
11-sentabr	19-sentabr	3-IM (M-1,4) – Bunyodkor shoh ko‘chasi, Navoiy, Beruniy, Afrosiyob, Samarqand Darvoza, Chorsu va boshqalar
12-sentabr	26-sentabr	ToshIEM (M-5,8) – Amir Temur, Mustaqillik, Navoiy, Bobur, Buyuk Turon, Istiqbol, Islom Karimov, Uchuvchilar shaharchasi va boshqalar
18-sentabr	25-sentabr	5-IM (M-0,4) – Zargarliq, Lutfiy, Guliston, Farhod, Cho‘ponota, Chilonzor dahasi 5÷12, 16÷20, 24÷26 va boshqalar

Avvalroq Kursiv Uzbekistan Toshkentda issiq suv ta’minoti reja bo‘yicha o‘chirilishi haqida yozgandi.