2025-yil may – avgust oylarida respublikaning 13 ta hududida 2 436 ta holatda 27 ming gektardan ziyod yer noqonuniy yoqib yuborilgan. Bu ko‘rsatkich o‘tgan yilda 31 ming 542 gektarni tashkil etgandi, deya xabar bermoqda «O‘zbekkosmos» agentligi.
Eng ko‘p dala yong‘inlari Toshkent viloyatida (11,8 ming gektar), Andijon (7,6 ming gektar) va Surxondaryoda (2,1 ming gektar) qayd etildi. Eng kam maydon Navoiy viloyatida — atigi 8 gektar.
| № | Hudud | Maydon (gektar) | Holatlar soni |
|---|---|---|---|
| 1 | Toshkent viloyati | 11 829 | 870 |
| 2 | Andijon viloyati | 7 665 | 738 |
| 3 | Surxondaryo viloyati | 2 104 | 279 |
| 4 | Namangan viloyati | 1 542 | 110 |
| 5 | Samarqand viloyati | 1 076 | 143 |
| 6 | Sirdaryo viloyati | 1 055 | 83 |
| 7 | Jizzax viloyati | 904 | 61 |
| 8 | Fargʻona viloyati | 519 | 66 |
| 9 | Buxoro viloyati | 256 | 43 |
| 10 | Xorazm viloyati | 99 | 31 |
| 11 | Qoraqalpogʻiston Respublikasi | 52 | 9 |
| 12 | Qashqadaryo viloyati | 14 | 2 |
| 13 | Navoiy viloyati | 8 | 1 |
Agentlik 2024-yilda aniqlangan va bu yil takroriy yoqilgan yerlardan ham xabar berdi. Toshkent viloyatida 73 ta, Surxondaryoda 47 ta, Samarqandda esa 13 ta maydon qayd etilgan.
Joriy yildan boshlab dala yong‘inlarini onlayn kuzatish imkonini beruvchi dalayongini.cmspace.uz portali va maxsus @UzCosmosYonginbot ishga tushirildi.
