Uzum va DataVolt O‘zbekistonda IT infratuzilmasini rivojlantirish uchun sa’y-harakatlarni birlashtirmoqda
Uzum milliy raqamli ekotizimi va barqaror, ilg‘or raqamli infratuzilmaning global ishlab chiqaruvchisi DataVolt o‘rtasida strategik hamkorlik memorandumi imzolandi. Hamkorlik O‘zbekistonning raqamli infratuzilmasini rivojlantirish va bulutli xizmatlarni kengaytirish uchun sharoit yaratishga qaratilgan.
Hamkorlik O‘zbekistonning raqamli infratuzilmasini rivojlantirish va bulutli xizmatlarni kengaytirish uchun shart-sharoitlar yaratishda muhim qadam bo‘ladi. Uzum O‘zbekistonda o‘zining IT infratuzilmasini faol rivojlantirmoqda va hamkorlik tufayli xizmatlarni yanada kengaytirish uchun qo‘shimcha quvvatlarga ega bo‘ladi.
— Mahalliy raqamli infratuzilmani rivojlantirish O‘zbekiston iqtisodiyotini raqamlashtirishni jadallashtirish va mamlakatimizning mintaqaviy IT-xab sifatidagi mavqeyini mustahkamlashning kalitidir. Bizni DataVolt bilan nafaqat mamlakat salohiyatiga bo‘lgan ishonch, balki ushbu salohiyat uchun zarur bo‘lgan poydevorga sarmoya kiritishga tayyorlik birlashtiradi: odamlar, «temir», xizmatlar, — deydi Uzum ekotizimi asoschisi va bosh direktori Djasur Djumayev.
— Uzum bilan hamkorligimiz DataVolt kompaniyasining O‘zbekistonni raqamli transformatsiya qilishga ko‘maklashish yo‘lidagi muhim bosqichdir. Uzum’ning raqamli xizmatlar bozoridagi yetakchiligini DataVolt’ning barqaror raqamli infratuzilmani yaratish bo‘yicha tajribasi bilan birlashtirib, biz mamlakatda global darajadagi bulutli va sun’iy intellekt yechimlari uchun poydevor yaratmoqdamiz. Biz O‘zbekiston raqamli iqtisodiyotining o‘sishini tezlashtirish uchun Uzum bilan hamkorlik qilishdan mamnunmiz, — dedi DataVolt kompaniyasining katta vitse-prezidenti Anil Vijayachandran.
Kompaniyalar, shuningdek, mahalliy raqamli infratuzilmaning ahamiyatini ta’kidlaydigan va bulutli texnologiyalar biznes va davlat tashkilotlari samaradorligini qanday oshirishini yaqqol ko‘rsatadigan qo‘shma loyiha va tashabbuslarni amalga oshirishni rejalashtirmoqda.
DataVolt — bu innovatsiyalar, barqarorlik va kengayishga katta e’tibor qaratgan holda yuqori darajadagi qayta tiklanadigan energiya infratuzilmasi yechimlari va yashil yoqilg‘ilarni birlashtirgan ma’lumotlar markazlarining ishlab chiqaruvchisi, egasi va operatori. Bosh qarorgohi Saudiya Arabistonida joylashgan bo‘lib, hozirda AQSH, O‘zbekiston, Hindiston va BAAda vakolatxonalari mavjud. DataVolt Yaqin Sharq, Afrika va Osiyo bo‘ylab kuchli global ambitsiyalarga ega. www.data-volt.com
Uzum — jismoniy shaxslar va kichik va o‘rta biznes uchun fintech, e-commerce va bank xizmatlarini birlashtirgan O‘zbekiston raqamli ekotizimi: marketpleys, tezkor yetkazib berish xizmati, klassik va raqamli banklar, BNPL xizmati, avtomobil sotib olish platformasi, shuningdek, tadbirkorlar uchun ilova. Uzum xizmatlaridan har oyda O‘zbekistonning 17 milliondan ortiq aholisi foydalanadi.
