Apple ARM protsessorlari davrini boshlab bergan ilk MacBook Air M1 2020-yil 10-noyabrda taqdim etilgandi. Oradan besh yil o‘tdi. Endi esa savol o‘rtaga chiqadi: bu model hali sotib olishga arziydimi yoki undan voz kechish kerakmi? Kursiv Uzbekistan Palach nashriga tayanib, mazkur noutbukning afzalliklari, kamchiliklari va bugungi kundagi dolzarbligi haqida qiziqarli ma’lumotlarni jamladi.
Shubhasiz, M4 chipli yangi modellarga qaraganda Air M1 ko‘p jihatdan ortda qoladi. Ammo u hali ham o‘z mavqeyini yo‘qotmagan.
Korpus — mustahkam va ixcham alyuminiy dizaynga ega. Bu Apple’ning oxirgi «klin» shaklidagi Air modeli bo‘lib, endi bunday dizayn ishlab chiqarilmaydi. Ko‘rinishi 5 – 10 yildan keyin ham zamonaviyligicha qoladi.
Ekran 13 dyuymli Retina displeyi hanuz Windows’dagi ko‘plab 100 ming rublgacha bo‘lgan noutbuklardan ustun.
Chip M1 — kundalik vazifalar uchun tezkor ishlashni ta’minlaydi. Qurilmada sovitkich yo‘qligi sababli u deyarli shovqinsiz ishlaydi.
Avtonomiya — yangi MacBook’lar qatori 10 – 15 soat ishlash imkonini beradi (agar batareya sog‘lom bo‘lsa).
Yangilanishlar — hozircha macOS Tahoe tizimini qo‘llab-quvvatlaydi. Bu, ehtimol, oxirgi qo‘llab-quvvatlanadigan macOS bo‘ladi, lekin foydalanuvchilar uni bemalol o‘rnatishlari mumkin.
Avvalroq Kursiv Uzbekistan yangi taqdim etilgan iPhone Air sinovdan o‘tkazilgani haqida xabar bergan edi.
Apple kompaniyasi tomonidan yaqinda taqdim etilgan iPhone Air smartfoni mashhur bloger JerryRigEverything tashkil etgan sinovdan o‘tdi. Bloger videoni YouTube sahifasida e’lon qildi.
Qalinligi atigi 5,6 mm bo‘lgan model ko‘pchilikni iPhone 6 Plus’dagi kabi egilish muammosi takrorlanishi mumkinligi bilan xavotirga solgan edi.
Sinov chizishdan boshlandi. Ceramic Shield 2 himoya oynasi Mohs shkalasi bo‘yicha 7-darajagacha chizishga bardosh berdi. Bu ko‘rsatkich ko‘plab flagmanlardan, jumladan, Samsung Galaxy S25 Ultra’dagi Gorilla Armor 2’dan yuqori.
Titana asoslangan Air Grade 5 ramka reklamada aytilganidek mustahkamligini isbotladi. Old tomondan bosim berilganda telefon biroz egildi, biroq tezda asl holatiga qaytdi. Orqa tomondan bosilganda esa umuman egilmadi.
