«Afrosiyob» poyezdida qo‘shimcha qatnovlar yo‘lga qo‘yiladi
eʼlon qilindi
3-oktabrdan boshlab esa muntazam ravishda
1–2-oktabr kunlari Samarqand – Toshkent – Samarqand yo‘nalishida «Afrosiyob» tezyurar poyezdining qo‘shimcha qatnovlari tashkil etiladi. Bu haqda Transport vazirligi ma’lum qildi.
Shuningdek, 3-oktabrdan boshlab qo‘shimcha qatnovlar muntazam ravishda haftada uch marta – chorshanba, juma va shanba kunlari amalga oshiriladi.
- Samarqanddan jo‘nash: 10:55 – Toshkentga kelish: 13:10
- Toshkentdan jo‘nash: 13:56 – Samarqandga kelish: 16:09
Chipta sotib olish uchun rasmiy veb-sayt va «Uzrailways Tickets» mobil ilovasi orqali murojaat qilish mumkin.
Eslatib o‘tamiz, avvalroq Toshkent – Qozon – Toshkent yo‘nalishida muntazam avtobus qatnovi yo‘lga qo‘yilgani haqida yozgan edik.
