Germaniya Bundesligasining 5-turidan oʻrin olgan bahsda «Bavariya» oʻz maydonida «Verder»ni qabul qildi va yirik 4:0 hisobida gʻalaba qozondi.
Dastlab Jonatan Ta 22-daqiqada hisobni ochdi. Harri Keyn esa 45 va 65-daqiqalarda gol urib, dublni rasmiylashtirdi. 87-daqiqada Konrad Laymer jamoasining yirik hisobdagi gʻalabasiga oʻz hissasini qoʻshdi.
Qayd etish joiz, Keyn myunxenliklar safidagi gollari sonini 100 taga yetkazib oldi va Yevropaning TOP-5 chempionatlari doirasida bir klub safida 100 ta gol urish uchun eng kam o‘yin sarflagan futbolchiga aylandi.
- Harri Keyn («Bavariya») — 104 ta o‘yin
- Erling Holand («Man Siti») — 105 o‘yin
- Krishtianu Ronaldu («Real») — 105 o‘yin
- Luis Suares («Barselona») — 120 o‘yin
Ma’lumot uchun, «Bavariya» ushbu gʻalabadan soʻng oʻz ochkolari hisobini 15 taga yetkazib, peshqadamligini mustahkamlab oldi. «Verder» esa 4 ochko bilan 14-o‘rinda bormoqda.
Bundesliga. 5-tur
«Bavariya» — «Verder» 4:0
Gollar: Ta (22), Keyn (pen. 45, 65), Laymer (87).
Bavariya — Noyer, Buy, Upamekaro, Ta, Laymer, Goretska (Kimmix, 61), Bishof, Olise (Karl, 78), Gnabri (Gerreyru, 61), Dias (Mike, 84), Keyn (Jekson, 78).
Verder — Eyn, Sugavara, Fridl, Kulibali, Agu (Shmidt, 80), Linen, Stage (Bitenkur, 80), Puertas (Bonifase, 61), Shmid, Mbangula (Chovich, 80), Gideon (Gryul, 73).
Ogohlantirishlar: Gnabri (16), Kimmix (65).
