O‘zbekiston terma jamoasi Kannavaro boshchiligidagi ilk o‘yinda g‘alaba qozondi
eʼlon qilindi
Gollarga Eldor Shomurodov va Hojimat Erkinov mualliflik qildi
Toshkentda bo‘lib o‘tgan xalqaro o‘rtoqlik uchrashuvida O‘zbekiston milliy terma jamoasi Kuvaytni 2:0 hisobida mag‘lub etdi. Bu haqda Sport vazirligi ma’lum qildi.
Uchrashuvning 10-daqiqasida Eldor Shomurodov hisobni ochdi, oradan 10 daqiqa o‘tib Hojimat Erkinov ikkinchi golni urdi. Shu tariqa Fabio Kannavaro boshchiligidagi jamoa ilk o‘yinda g‘alabani qo‘lga kiritdi.
O‘zbekiston futbolchilari butun o‘yin davomida tashabbusni o‘z qo‘lida ushlab, raqibga deyarli imkon qoldirishmadi.
Uchrashuv 90+3-daqiqada yakunlandi va terma jamoa muxlislari uchun ishonchli g‘alaba bilan esda qoldi.
Eslatib o‘tamiz, avvalroq Italiyalik mutaxassis Fabio Kannavaro Kuvaytga qarshi o‘yin oldidan matbuot anjumanida ishtirok etgani haqida yozgan edik.
