Yangi Chevrolet Spark elektromobili Argentinada elektromobillar orasida eng ko‘p sotilgan avtomobilga aylandi. Bu haqda Speedme nashri xabar bermoqda.
Sentabr oyida bu model mamlakatdagi barcha elektromobil savdolarining 65,4 foizini egallab, 104 dona sotilgan.
Mutaxassislar bunday natijani Argentina hukumati tomonidan elektr transport vositalariga bojxona to‘lovlarini bekor qilgani bilan izohlamoqda. Shu sababli elektromobillar narxi sezilarli darajada pasaydi va xaridorlar uchun yanada qulay sharoit yaratilgan.
Chevrolet Spark EUV Xitoyda ishlab chiqariladi va General Motors’ning Argentina bo‘limi orqali import qilinadi. Bunday ishlab chiqarish va logistika yondashuvi kompaniyaga raqobatbardosh narxni saqlab qolish imkonini beradi.
Eslatib o‘tamiz, Kursiv Uzbekistan yangilangan Chevrolet Cobalt avtomobilining narxi haqida yozgan edi.
