Samsung Galaxy A36 smartfoni o‘rta sinfdagi eng muvozanatli smartfonlaridan biri bo‘lib, kundalik foydalanish va o‘rtacha darajadagi o‘yinlar uchun ideal tanlov sanaladi. Model o‘z segmentida barqaror ishlash, sifatli ekran va kuchli kameralar bilan ajralib turadi.
Smartfon 6,7 dyuymli Super AMOLED ekranga ega bo‘lib, u Full HD+ formatida tasvir beradi va 120 Hz yangilanish tezligi bilan ishlaydi. Ekranning 1900 nit yorqinligi tufayli, u quyoshli kunda ham yaxshi ko‘rinadi.
Ishlash tezligini Snapdragon 6 Gen 3 protsessori ta’minlaydi. Bu chip tizimning barqaror ishlashini kafolatlaydi va o‘rta darajadagi o‘yinlar uchun ham yetarli quvvat beradi.
Uning kamera va batareya imkoniyatlari
50 + 8 + 5 MP uchlik asosiy modulga ega bo‘lib, asosiy kamera optik stabilizatsiya bilan jihozlangan, keng burchakli linza esa 123° ko‘rish maydonini beradi. Old kamera 12 MP bo‘lib, yorug‘lik yaxshi bo‘lgan holatlarda tiniq suratlar olish imkonini yaratadi.
Batareya sig‘imi 5000 mA/soat, u 45 Vt tezkor quvvatlash tizimini qo‘llab-quvvatlaydi. Atigi yarim soatda batareya quvvatining 60 foizidan ortig‘ini to‘ldirish mumkin.
Bundan tashqari, Galaxy A36 IP67 himoya darajasi, stereodinamiklar va NFC moduli bilan jihozlangan. Bu uni o‘z narx toifasida eng muvozanatli va foydali modelga aylantiradi.
Umumiy imkoniyatlar, dizayn va ishonchlilik jihatidan Galaxy A36 o‘z sinfida eng muvaffaqiyatli yechimlardan biri bo‘lib qolmoqda.
Eslatib o‘tamiz, Kursiv Uzbekistan nashri Samsung yangi smartfonini taqdim etgani haqida yozgan edi.
