Rossiyadan gaz yetkazib berish hajmi 2025-yilda 7,7 mlrd kub metrga yetadi

O‘zbekiston 2025-yilda Rossiyadan tabiiy gaz importini 2 milliard kub metrga oshiradi. Bu haqda Rossiya bosh vaziri o‘rinbosari Aleksandr Novak va O‘zbekiston energetika vaziri Jo‘rabek Mirzamahmudov o‘rtasida Rossiya energetika haftaligi doirasida o‘tkazilgan uchrashuvda ma’lum qilindi.

Hozirgi kunda «Gazprom» kompaniyasi yiliga 7,7 milliard kub metr gaz yetkazib berish shartnomasi asosida faoliyat yuritmoqda.

O‘tgan yilda O‘zbekiston Rossiyadan 233,5 ming tonna neft import qilgan. Ikkala davlatning neft-gaz kompaniyalari respublika hududidagi qazib olish qiyin bo‘lgan konlarni birgalikda o‘zlashtirish bo‘yicha hamkorlik istiqbollarini o‘rganmoqda.

Shuningdek, O‘zbekistonda atom elektr stansiyasi qurilishi ikki mamlakat o‘rtasidagi muhim hamkorlik yo‘nalishi sifatida alohida qayd etildi. Loyihaga ko‘ra, har biri 1000 MVt quvvatga ega bo‘lgan ikki yirik energoblok va har biri 55 MVt quvvatga ega bo‘lgan ikki kichik energoblok barpo etiladi. Joriy yil oktabr oyida kichik quvvatli atom elektr stansiyasining birinchi energobloki qurilishi boshlangan.

Avvalroq Kursiv Uzbekistan Qambarota GES-1 loyihasi 4,2 milliard dollarga baholanayotgani haqida xabar bergan edi.