2025-yilning yanvar – sentabr oylarida xorijdan mamlakatga yuborilgan pul o‘tkazmalari hajmi $13,9 milliardni tashkil etdi. Bu ko‘rsatkich o‘tgan yilning mos davriga nisbatan 24% yoki $2,7 milliardga ko‘pdir. Bu haqda Markaziy bank xabar berdi.
Shu bilan birga, transfertlar hajmi ketma-ket ikkinchi oyda kamaydi: avgust oyida $1,9 milliard, sentabrda esa $1,81 milliard miqdorida o‘tkazmalar amalga oshirilgan.
Hisobotda qayd etilishicha, 2023-yilga nisbatan o‘sish 66%ni tashkil etgan – bu $5,5 milliardga teng. Shu davrda xalqaro o‘tkazmalar orqali O‘zbekistondan $1,9 milliard chiqib ketgan bo‘lib, bu o‘tgan yilga qaraganda $127 millionga kamdir.
Yilning birinchi yarmida o‘tkazmalar hajmi 27%ga oshib, $8,2 milliardga yetgan. Mablag‘larning asosiy qismi – 78% ($6,4 milliard) — Rossiyadan yuborilgan. Qolgan qismi Qozog‘iston, AQSh, Janubiy Koreya, Turkiya, Buyuk Britaniya, Qirg‘iziston, Litva va boshqa mamlakatlardan jo‘natilgan.
Iyulgacha pul o‘tkazmalari oyma-oy o‘sib borgan: yanvarda – $1,06 mlrd, fevralda – $1,07 mlrd, martda – $1,21 mlrd, aprelda – $1,43 mlrd, mayda – $1,64 mlrd, iyunda – $1,78 mlrd, iyulda esa $1,97 mlrd miqdorida bo‘lgan.
Avvalroq «Kursiv» nashri O‘zbekistonga ikkinchi chorakda $4,8 mlrd xorijiy pul o‘tkazmalari amalga oshirilgani haqida yozgandi.
