General Motors tomonidan 2026-yilgi Chevrolet Tracker Midnight Edition avtomobili taqdim qilindi. Bu haqda GMAutority xabar bermoqda.
Model ikkinchi avlod Tracker’ning uchinchi yilgi yangilanishi bo‘lib, tashqi ko‘rinishdagi ayrim o‘zgarishlar va Midnight Edition nomli maxsus dizayn to‘plamini o‘z ichiga oladi.
Midnight Edition LT komplektatsiyasi uchun mo‘ljallangan bo‘lib, modelga yanada jiddiy va hashamatli ko‘rinish beradi. U quyidagi elementlarni o‘z ichiga oladi:
- 17 dyuymli High Gloss Black alyuminiy disklar, qora Chevrolet logosi;
- Qora oynalar qopqog‘i va tomdagi qora relslar;
- Old va orqa bamperlarda qora pastki elementlar;
- Qora radiator panjarasi, qora emblema va qora yozuvlar;
- Rulda joylashgan qora Chevrolet belgisi.
To‘plam har qanday LT rang variantiga mos tushadi, shu jumladan, Cacti Green (GVR), Marina Blue Metallic (GKN) yoki White Sands (G42) kabi yorqin ranglar bilan ham uyg‘unlashadi. Midnight Edition paketi narxi $695, ammo u bilan birga LT Convenience Package ($595) to‘plami ham talab qilinadi.
Old dizaynda yuqori darajada yaltiroq qora panjara va qora pastki bamper detali Trax’ga sportcha qiyofa beradi. Orqa qismda esa shunga mos ravishda qora orqa bamper va qora logotiplar avtomobilning Midnight konsepsiyasini to‘liq ifodalaydi.
Texnik xususiyatlari
Texnik jihatdan 2026-yilgi Tracker o‘zgarishsiz qolgan:
- 1,2 litrli turbomotor (I3 LBP) – 137 ot kuchi va 162 lb-ft moment;
- 6 pog‘onali avtomatik uzatma;
- Old g‘ildirakdan tortish tizimi (FWD);
- E85 yoqilg‘isi bilan mos.
Model GM’ning VSS-F platformasida qurilgan bo‘lib, ishlab chiqarish an’anaviy tarzda Janubiy Koreyaning Changwon zavodida amalga oshiriladi.
Eslatib o‘tamiz, Kursiv Uzbekistan Chevrolet Tracker avtomobilining yangi versiyasi taqdim etilgani haqida yozgan edi.
