Markaziy bankda yangi tayinlovlar amalga oshirildi
eʼlon qilindi
Rahbariyatda yangi o‘rinbosarlar ish boshladi
O‘zbekiston Respublikasi Markaziy bankida rahbariyat tarkibida bir qator o‘zgarishlar yuz berdi. Bu haqda regulyator axborot xizmati ma’lum qildi.
Nodirbek Muhammadievich Achilov Markaziy bank raisining o‘rinbosari etib tayinlandi. U ilgari Monetar operatsiyalar departamentiga rahbarlik qilgan.
Shuningdek, Sanjar Salaydinovich Nosirov ham rais o‘rinbosari lavozimiga tayinlandi. U bunga qadar Kredit tashkilotlari faoliyatini tartibga solish metodologiyasi departamenti rahbari bo‘lgan.
Nusratulla Nigmatullaevich Fazilov esa Banklarni prudensial nazorati departamenti rahbari lavozimidan Markaziy bank raisining o‘rinbosari etib tayinlandi.
Eslatib o‘tamiz, avvalroq Markaziy bank asosiy stavkani yana 14 foiz darajasida o‘zgarishsiz qoldirgan edi.
