Avstraliyaning Port-Ogasta shahrida Tesla Model Y elektromobiliga noma’lum issiq jism urilib, shisha parchalanishiga sabab bo‘ldi. Bu haqda Teslarati xabar bermoqda.
Hodisa sodir bo‘lgan paytda avtomobil avtopilot (FSD) rejimida harakatlanayotgan bo‘lgan va to‘qnashuvdan so‘ng ham yo‘lni davom ettirgan.
Mashina egasi Endryu Melvill-Smit voqeani quyidagicha tasvirlagan:
- «Avvaliga kuchli portlash bo‘ldi, mashina ichi oq tutunga to‘ldi va yonayotgan hid taraldi. Biz hayratdan qotib qoldik, lekin ekranga qarasam, mashina hali ham harakatda edi».
Uning so‘zlariga ko‘ra, voqea kechasi yuz bergan, Tesla esa to‘xtamasdan Port-Ogasta yo‘nalishida yurishda davom etgan. To‘xtagandan so‘ng haydovchi old oynada katta chuqurlik hosil bo‘lganini payqagan.
Hozirda Janubiy Avstraliya muzeyi hodisani o‘rganmoqda. Geolog Kiran Miniga ko‘ra, oynadagi kuygan izlar va shisha shakli bu jismning meteorit bo‘lish ehtimolini kuchaytiradi.
Agar bu fakt tasdiqlansa, bu dunyoda Tesla elektromobili bilan meteorit to‘qnashgan ilk holat sifatida qayd etiladi.
Avvalroq Kursi Uzbekistan nashri Ilon Mask SIga asoslangan Grokipedia saytini ishga tushirgani haqida yozgan edi.
