Toshkentda «Gelik» tez yordam mashinasi bilan to‘qnashdi — video
eʼlon qilindi
Hodisa oqibatida ikki kishi tan jarohati olgan
30-oktabr kuni soat 12:45 atrofida Toshkent shahrining Yashnobod tumanida Mercedes-Benz G-Class va tez yordam mashinasi ishtirokida yo‘l-transport hodisasi sodir bo‘ldi. Bu haqda poytaxt Yo‘l harakati xavfsizligi boshqarmasi xabar berdi.
Hodisa oqibatida ikki kishi tan jarohati oldi. Ular voqea joyida tibbiy yordam olgan.
Holat yuzasidan surishtiruv ishlari boshlagan. Rasmiylar haydovchilarga yo‘l harakati qoidalariga qat’iy amal qilish zarurligini eslatib o‘tgan.
Kursiv Uzbekistan nashri Chery krossoveri Malibuning ustiga chiqib ketgani haqida yozgan edi.
