Do‘lma — Markaziy Osiyo oshxonasida eng ko‘p tayyorlanadigan, oilaviy kechki ovqatlarga juda mos keladigan taomlardan biri. Ayniqsa, kuz-qishda bulg‘or qalampirida pishirilgan go‘shtli variant iliqlik, xushbo‘y hid va ishtaha ochish bilan ajralib turadi. Bu taomning mazasi qalampirning tabiiy shirinligi, go‘sht va guruchning yumshoqligi bilan uyg‘unlashadi. Kursiv Uzbekistan bugun kechki ovqatga bulg‘or qalampirli do‘lma tayyorlashda yordamlashadi.
| Masalliq nomi (4-5 kishilik) | Miqdor |
|---|---|
| Bulg‘or qalampiri | 8-10 dona |
| Mol yoki qo‘y qiymasi | 500 gramm |
| Guruch | 120-150 gramm |
| Piyoz | 2 dona |
| Tuz | ta’bga ko‘ra |
| Ziravorlar (zira, qora murch, paprika) | ta’bga ko‘ra |
| Pomidor | 2 dona |
| Tomat pastasi | 2 osh qoshiq |
| Suv | 400-500 ml |
Tayyorlash jarayoni: guruch va qalampirni tayyorlash
Guruch yaxshilab yuviladi va 5–7 daqiqa davomida yarim pishguncha qaynatib olinadi. Suvi suzib olinadi va sovitib qo‘yiladi. Bulg‘or qalampirlarining ustki qismi ochiladi, urug‘lari va ichki yupqa parda qatlamlari ehtiyotlik bilan olib tashlanadi.
Go‘shtli aralashmani tayyorlash
Qiymaga mayda to‘g‘ralgan piyoz, yarim pishgan guruch, tuz, zira, paprika va qora murch solinadi. Bir xil massa hosil bo‘lguncha yaxshilab aralashtiriladi.
Qalampirni to‘ldirish
Har bir qalampir ichiga aralashma yumshoq bosim bilan to‘ldiriladi. Haddan ortiq qattiq bosilmaydi, chunki pishganda guruch biroz shishadi.
Sousni tayyorlash
Pomidorlar blenderda pyure qilinadi yoki mayda to‘g‘raladi. Tomat pastasi bilan aralashtiriladi, ustidan suv qo‘shiladi va yaxshilab aralashtiriladi.
Qozonga joylashtirish
Ichlari to‘ldirilgan qalampirlar qozonga tik holatda tartibli qilib joylashtiriladi. Ustidan pomidorli sous quyiladi. Qozon yopilib, o‘rtacha olovda 35–40 daqiqa davomida dim holatda pishiriladi. Qalampirlar yumshaganida va ichidagi qiymasi to‘liq pishganida do‘lma tayyor bo‘ladi.
Bezash va dasturxonga tortish
Do‘lma tayyor bo‘lgach, uni ehtiyotlik bilan likopchaga chiqariladi. Ustidan mayda to‘g‘ralgan ko‘k piyoz, ko‘katlar (ukrop yoki shivit, maydanoz) sepilsa mazasi yanada ochiladi. Yoqimli nordonlik berish uchun yoniga yogurtli sous — qatiq yoki smetana/qaymoq qo‘yish mumkin.
Avvalroq Kursiv Uzbekistan baliq sho‘rvaning tayyorlanish jarayoni haqida ma’lumot bergandi.
