AnTuTu benchmark platformasi 2025-yil oktabr oyi uchun eng yaxshi smartfon modellarini e’lon qildi. Oldingi oylarda yuqori o‘rinlarda bo‘lgan Xiaomi 17 Pro va 17 Pro Max modellari ilk o‘ntalikka kira olmagan.
Ro‘yxatda birinchi o‘rinni RedMagic 11 Pro+ egalladi. U suyuq va havo orqali gibrid sovitish tizimiga ega bo‘lib, AnTuTu testida o‘rtacha 4,13 million ball to‘pladi. Ikkinchi va uchinchi o‘rinlar OnePlus 15 hamda iQOO 15 smartfonlariga tegishli bo‘ldi. Har ikkalasi ham 4,03 million atrofida natija ko‘rsatdi.
Dastlabki beshlikni Honor Magic8 va Magic8 Pro yakunladi. Eng kuchli beshta modelning barchasi Snapdragon 8 Gen 5 Elite chipiga ega smartfonlar bo‘ldi.
Oltinchi o‘rinda Vivo X300 Pro, yettinchida esa Realme GT8 Pro joylashdi. Reytingni Oppo Find X9, Redmi K90 Pro Max va Vivo X300 modellari yakunladi. Ushbu natijalar 2025-yilda Snapdragon va MediaTek Dimensity protsessorlari o‘rtasidagi raqobat yanada kuchayganini ko‘rsatadi.
Ro‘yxat:
| O‘rin | Model nomi | Chipset | RAM + xotira | Ball (o‘rtacha) |
|---|---|---|---|---|
| 1 | RedMagic 11 Pro+ | Snapdragon 8 Gen 5 Elite | 24 GB + 1 TB | 4 132 403 |
| 2 | OnePlus 15 | Snapdragon 8 Gen 5 Elite | 16 GB + 1 TB | 4 031 998 |
| 3 | iQOO 15 | Snapdragon 8 Gen 5 Elite | 16 GB + 1 TB | 4 030 245 |
| 4 | Honor Magic8 | Snapdragon 8 Gen 5 Elite | 16 GB + 1 TB | 4 028 333 |
| 5 | Honor Magic8 Pro | Snapdragon 8 Gen 5 Elite | 16 GB + 1 TB | 4 027 702 |
| 6 | Vivo X300 Pro | MediaTek Dimensity 9500 | 16 GB + 1 TB | 4 010 619 |
| 7 | Realme GT8 Pro | Snapdragon 8 Gen 5 Elite | 16 GB + 1 TB | 3 915 526 |
| 8 | Oppo Find X9 | MediaTek Dimensity 9500 | 16 GB + 1 TB | 3 814 196 |
| 9 | Redmi K90 Pro Max | Snapdragon 8 Gen 5 Elite | 16 GB + 1 TB | 3 797 111 |
| 10 | Vivo X300 | MediaTek Dimensity 9500 | 16 GB + 1 TB | 3 720 004 |
Eslatib o‘tamiz, Kursiv Uzbekistan 200 dollargacha bo‘lgan eng yaxshi smartfonlar haqida yozgan edi.
