Chaxoxbili — Gruziya oshxonasining eng mashhur, lekin juda sodda tayyorlanadigan issiq taomlaridan biri. Uning nomi qadimda «chaḣobi» — ya’ni qirg‘ovul so‘zidan olingan. Avval bu taom yovvoyi qirg‘ovul go‘shtidan tayyorlangan, keyinchalik esa keng miqyosda tovuq go‘shti bilan tayyorlana boshlagan. Chaxoxbili — mazali, xushbo‘y ziravorlar, sabzavot va piyoz bilan dimlab pishiriladigan taom. Kursiv Uzbekistan bugun kechki ovqatga chaxoxbili tayyorlashda yordamlashadi.
| Masalliq nomi | Miqdori |
|---|---|
| Tovuq go‘shti (bo‘laklangan) | 800 gr |
| Piyoz | 2-3 dona |
| Pomidor | 4 dona yoki 200 ml tomat pyure |
| Bulg‘or qalampiri | 1-2 dona |
| Sarimsoq | 3-4 dona tish |
| Qizil achchiq yoki paprika | ta’bga ko‘ra |
| Tuz, qora murch | ta’bga ko‘ra |
| Sariyog‘ | 50 gr |
| Ko‘katlar (kinza, petrushka) | bezash uchun |
Tayyorlash bosqishlari: go‘shtni dimlash
Sariyog‘ qozonda eritilib, biroz qizdiriladi. So‘ng tovuq bo‘laklarga bo‘linadi, yuviladi va qozonga solinadi. O‘rtacha olovda 10–12 daqiqa dimlanadi.
Piyoz va sabzavotlarni qo‘shish
Piyoz yarim halqa shaklida to‘g‘raladi, qozonga solinadi va aralashtiriladi. So‘ngra tog‘ralgan bulg‘or qalampiri, sarimsoq va pomidor (yoki tomat pyure) ham qo‘shiladi.
Ziravorlar bilan dimlash
Tuz, qora murch, qizil paprika ta’bga ko‘ra solinadi. Qozon qopqog‘i yopiladi va past olovda taxminan 35–40 daqiqa dimlab pishiriladi. Go‘sht yumshab, sabzavotlar suvi bilan birga bitta bulyon holatiga keladi.
Bezash va dasturxonga tortish
Chaxoxbili tayyor bo‘lgach, ustiga mayda to‘g‘ralgan kinza yoki petrushka sepiladi. Issiq holda, yoniga yumshoq non, lavash yoki guruch garnir bilan berish tavsiya etiladi.
Avvalroq Kursiv Uzbekistan tovuq sho‘rvaning tayyorlanish jarayoni haqida ma’lumot bergandi.
