Xitoyda yangi Wuling Xingguang 730 miniveni taqdim etildi

Xitoyning Wuling kompaniyasi yangi yetti o‘rinli miniveni – Xingguang 730 ni taqdim etdi. Bu haqda ITHome nashri ma’lum qildi.

Unga ko‘ra, miniven benzin, gibrid va elektromobil versiyalarida mavjud bo‘lib, narxi 73 ming yuandan ($10,2 mingdan ziyod) boshlanadi.

Benzinli versiyada 1,5 litrli turbo dvigatel va mexanik yoki variator uzatmalar qutisi mavjud. Gibrid versiya Lingxi Power 3.0 tizimi bilan jihozlangan, maksimal masofa 1100 km, yoqilg‘i sarfi 5,3 l/100 km. Elektromobil versiyasining batareyasi 60 kVt·soat sig‘imli bo‘lib, bir zaryad bilan 500 km yuradi va tashqi elektr jihozlarini quvvatlantirish imkoniyati mavjud.

Salonda 12,8 dyuymli ekran, 360° ko‘rish tizimi, 50 Vt quvvatli simsiz smartfon zaryadlash va elektr yon eshik o‘rnatilgan. Miniven o‘lchamlari 4910 × 1850 × 1770 mm, g‘ildirak bazasi 2910 mm, o‘rinlar tartibi 2+2+3. Zamonaviy infratuzilma va qulayliklar bilan Xingguang 730 Xitoy bozoridagi raqobatbardosh miniven sifatida e’tiborni tortmoqda.

Eslatib o‘tamiz, avvalroq Nissan yangi avlod Elgrand minivenini taqdim etgani haqida yozgan edik.