Jahon boks afsonalari Terens Krouford va Aleksandr Usik Toshkentga keldi. Ular yirik professional boks kechasining faxriy mehmonlari bo‘ladi.
Mashhur sportchilarni poytaxt aeroportida non va gullar bilan kutib olishdi. Uchrashuv lavhalari va suratlari ularning Instagram sahifalarida e’lon qilindi. Boks kechasi 14-noyabr kuni «Humo Arena»da o‘tkaziladi. Unda turli vazn toifalarida janglar bo‘lib o‘tadi.
Aleksandr Usik ukrainalik bokschi, og‘ir vazn toifasida mutlaq jahon chempioni hamda birinchi og‘ir vazn toifasida ham sobiq chempion hisoblanadi. U professional ringda birorta ham mag‘lubiyatga uchramagan.
Terens Krouford esa amerikalik yengilmas bokschi bo‘lib, 42 g‘alabadan iborat natijaga ega. U yarim o‘rta vazn toifasida mutlaq jahon chempioni hisoblanadi va WBA, WBC, IBF hamda WBO bo‘yicha barcha asosiy kamarlarni qo‘lga kiritgan.
Avvalroq Kursiv Uzbekistan Bahodir Jalolov 14-noyabr kuni «Humo Arena»da navbatdagi jangini o‘tkazishi haqida xabar bergan edi.
