Ilon Mask Tesla uchun TeraFab loyihasini Texasda amalga oshirishni boshladi

Ilon Mask Tesla kompaniyasi uchun o‘z yarimo‘tkazgich fabrikasi TeraFab’ni tashkil etish imkoniyati haqida bayonot berganidan bir hafta o‘tib, loyiha amalga oshirilishi boshlandi. Bu haqda DigiTimes ma’lum qildi.

Texas shtatida birinchi fabrika qurilishi faol davom etmoqda va hozirda uskunalar yetkazib berilmoqda. Hozirgi bosqichda loyiha chiplardan tayyor mahsulot ishlab chiqaruvchi fabrika emas, balki FOPLP darajasidagi korpuslarni qadoqlash liniyasi sifatida tashkil etilgan. Seriyali ishlab chiqarish 2026-yilning uchinchi choragi oxirida rejalashtirilgan bo‘lib, dastlabki bosqichda oyiga taxminan 2000 birlik mahsulot ishlab chiqarish ko‘zda tutilgan.

Mazkur loyiha AQShda to‘liq «tera-fabrika» yoki «mega-fabrika» tashkil etilishini kafolatlamasa-da, Mask allaqachon uni amalga oshirish bo‘yicha ishlarni boshlagan. Bundan tashqari, Texasda uning faoliyat yuritayotgan elektron platalar zavodi mavjud.

Eslatib o‘tamiz, avvalroq Ilon Maskning $1 trillionlik mukofoti Tesla aksiyadorlari tomonidan ma’qullangan edi.