O‘zbekistonda dam olish kuni qanday ob-havo kuzatiladi

O‘zbekistonda 23-noyabr kuni havo asosan o‘zgaruvchan bo‘ladi, deyarli barcha hududlarda yog‘ingarchilik kutilmaydi. Bu haqda «O‘zgidromet» xabar berdi.

Toshkent shahrida yomg‘ir kuzatilmaydi, havo biroz bulutli bo‘ladi. Shamol sharqdan 3–8 m/s tezlikda esadi. Harorat kechasi 3–5 daraja iliq, kunduzi 15–17 daraja iliq bo‘ladi.

Qoraqalpog‘iston Respublikasi va Xorazm viloyatida kechasi havo 0–5 daraja iliq, ayrim joylarda 2 darajagacha sovuq bo‘lishi mumkin. Kunduzi harorat 12–17 daraja iliq atrofida bo‘ladi. Shamol sharqdan 7–12 m/s tezlikda esadi.

Buxoro va Navoiy viloyatlarida havo o‘zgaruvchan, yog‘ingarchilik kutilmaydi. Harorat kechasi 0–5 daraja iliq, kunduzi 13–18 daraja iliq, shamol esa 7–12 m/s.

Toshkent, Samarqand, Sirdaryo va Jizzax viloyatlarida kechasi 0–5 daraja iliq, kunduzi esa 13–18 daraja iliq bo‘ladi. Ob-havo yog‘ingsiz.

Qashqadaryo va Surxondaryo viloyatlarida havo biroz issiqroq: kechasi 2–7 daraja, kunduzi 14–19 daraja iliq bo‘ladi.

Andijon, Namangan va Farg‘ona viloyatlarida tongda ayrim joylarda tuman tushishi mumkin. Lekin yog‘ingarchilik kutilmaydi. Harorat kechasi 0–5 daraja iliq, kunduzi esa 13–18 daraja iliq.

Respublikaning tog‘li hududlarida havo salqinroq: kechasi 0–5 daraja, kunduzi esa 9–14 daraja iliq bo‘ladi.

Avvalroq Kursiv Uzbekistan 22-noyabr kuni qanday ob-havo kuzatilishi haqida yozgandi.