Honor kompaniyasi bugun rasmiy ravishda yangi flagman smartfonlarini, ularning bosh modeli sifatida esa Honor 500 Pro’ni taqdim etdi.
Smartfon 8000 mA·soat sig‘imli akkumulyator bilan jihozlangan bo‘lib, u 80 vattlik simli va 50 vattlik simsiz quvvatlashni qo‘llab-quvvatlaydi. Shuningdek, 27 vattlik teskari simli quvvatlash ham mavjud.
Qurilma Qualcomm Snapdragon 8 Elite bir chipli platformasida ishlaydi va 6,55 dyuymli OLED ekranga ega. Ekran o‘lchami 1,5K, maksimal yorqinligi 6000 kd/kv.m., yangilanish tezligi 120 Gs. Ekran ramkasi juda ingichka — atigi 1,05 mmni tashkil qiladi. Bu yangi avlod flagmanlaridan ham kam hisoblanadi.
Smartfon kamerasi asosiy modulda 200 MP sensor (optiс format 1/1,4 dyuym), periskopli modulda 50 MP sensorga ega. Optik stabilizatsiya CIPA 5.0 standartiga javob beradi, optik zum — 5x. Ultra keng burchakli modulda 12 MP sensor o‘rnatilgan. Qurilma korpusidagi tugma orqali tez suratga olish mumkin. Old kamera esa 50 MP sensorga ega.
Boshqa xususiyatlar: NFC chip, stereo karnaylar, ekranning ostidagi ultratovushli barmoq izi skaneri. Operatsion tizim sifatida Android 16 ishlatilgan.
Honor smartfonining xotira konfiguratsiyasi va narxi 12/256 GB uchun $500, 12/512 GB uchun $550, 16/512 GB uchun $590 va 16 GB/1 TB uchun $675 ni tashkil qiladi.
Quyida Honor 500 va Honor 500 Pro narxlari taqqoslandi:
| Xotira konfiguratsiyasi | Honor 500 | Honor 500 Pro |
|---|---|---|
| 12/256 GB | 380 $ | 500 $ |
| 12/512 GB | 420 $ | 550 $ |
| 16/512 GB | 465 $ | 590 $ |
| 16 GB/1 TB | — | 675 $ |
Eslatib o‘tamiz, avvalroq Honor 500 smartfoni haqida ma’lumot bergan edik.
