1990-yilgi Chevrolet Beretta GT Indy Pace Car Edition avtomobili auksionga qo‘yildi. Bu haqda GMAutority xabar bermoqda.
Mazkur avtomobil ishlab chiqarilganidan beri atigi 16 ming mil (25,7 km) masofa bosgan. 1990-yilda chiqarilgan 7,5 ming dona Indy Pace Car Edition’dan 1,5 mingtasi sariq, 6 mingtasi esa ko‘k-yashil rangda bo‘lgan. Modellar GTZ bazasida ishlab chiqarilib, kuzov rangidagi panjara, qizil Chevrolet Motorsports logotipi, aerodinamik qo‘shimchalar, 16 dyuymli aluminiy disklar va maxsus dekor elementlari bilan ajralib turgan.
Salonda charm bilan qoplangan rul, maxsus matoli o‘rindiqlar, konditsioner, sport boshqaruv paketi va P205/55R16 Goodyear Eagle GT+4 shinalari mavjud bo‘lgan. Shuningdek, elektron asboblar paneli, kruiz nazorati, elektr oynalar, elektr qulf, quyosh lyugi va AM/FM/Cassette audio tizimi taklif etilgan.
Model GM’ning 3,1 litrli 135 ot kuchiga ega LHO V6 dvigateli bilan jihozlangan. Xaridorlar 5 pog‘onali mexanika yoki 3 pog‘onali avtomatik uzatmalar qutisidan birini tanlashi mumkin edi.
Auksionda sotilayotgan ushbu nusxa toza Carfax hisobotiga ega. Idaho shtatidan olingan asl hujjatlar, servis yozuvlari, foydalanilmagan detallar va original narx yorlig‘i ham mashina bilan birga beriladi. Asl chiqish narxi $16,5 ming bo‘lgan.
Mashina umumiy holatda juda yaxshi saqlangan. Ba’zi mayda tirnalishlar va old lip qismidagi kichik shikastlar bundan mustasno.
Eslatib o‘tamiz, Kursiv Uzbekistan Chevrolet eski modelini yangilagani haqida yozgan edi.
