«UzAuto Motors» AJ aksiyadorlari 2025-yilning 9 oyi yakunlari bo‘yicha dividend to‘lash haqida qaror qabul qildi. Har bir aksiya uchun 4 642o‘m miqdorida daromad tasdiqlandi. Ushbu qaror Yagona korporativ axborot portalida e’lon qilindi.
Dividend to‘lovlari uchun jami 1,25 trln so‘m yo‘naltiriladi. Bu qariyb $105 mln ga teng. Qolgan foyda, ya’ni 11 trln so‘mdan ortiq mablag‘ taqsimlanmay qoladi. To‘lovlar Qimmatli qog‘ozlar markaziy depozitariysi orqali amalga oshiriladi.
Hozirda kompaniya aksiyalarining qariyb 0,3 foizi erkin muomalada.
2025-yildagi uchinchi dividend
Bu 2025-yilda to‘lanayotgan uchinchi dividend hisoblanadi. Avvalroq aksiyadorlar yil boshida har bir aksiya uchun 975 so‘m olgan edi. Iyul oyidagi yig‘ilish qarori bilan esa 522 so‘mdan dividend to‘langan.
Yangi to‘lovni inobatga olganda, 2025-yil uchun umumiy dividend miqdori har bir aksiya uchun 6 139 so‘mga yetdi.
2025-yil noyabr holatiga ko‘ra, aksiyalar bozor qiymati asosida dividend daromadliligi 11-12 foizni tashkil etmoqda.
Aksiyalar hanuz IPO narxidan past
Shunga qaramay, UzAuto Motors aksiyalari narxi hanuzgacha IPO darajasidan past. 28-noyabr 2025-yil holatiga aksiya narxi taxminan 53 ming so‘mni tashkil etdi. Bu dastlabki joylashtirishdagi 72,5 ming so‘mlik darajadan past.
Eslatib o‘tamiz, Kursiv Uzbekistan nashri UzAuto Motors bir yil ichida uchinchi marta dividend to‘lashi mumkinligi haqida yozgan edi.
