4pda tomonidan joriy yil noyabr oyining eng yaxshi smartfonlari e’lon qilindi. Ro‘yxatga bir nechta Huawei flagmanlari, Honor va Oppo kompaniyalari smartfonlari, shuningdek, Poco kiritilgan. Quyida ular haqida asosiy ma’lumotlarni bilib olishingiz mumkin.
- Huawei Mate 70 Air yetti dyuymli OLED ekranga ega, juda yupqa korpusli model. 6500 mA·soat sig‘imli batareya, 66 Vt tezkor zaryad va 3x zumli telekamera bilan jihozlangan. IP69 himoyasiga ega.
- Huawei Mate 80 Pro Max 6,9 dyuymli LTPO AMOLED ekranga ega flagman. Yangi Kirin 9030 Pro protsessori, 6000 mA·soat batareya, 100 Vt simli va 80 Vt simsiz zaryadlashni qo‘llab-quvvatlaydi. Asosiy kamera o‘zgaruvchan diafragma va ikki telekamera bilan ajralib turadi.
- Huawei Mate X7, bukiladigan flagman. Sakkiz dyuymli asosiy va 6,49 dyuymli tashqi displeyga ega. Kirin 9030 Pro protsessori, 20 GBgacha operativ xotira, 66 Vt simli va 50 Vt simsiz zaryadlash mavjud. Kamera Mate 80 Pro Max dagi modulga o‘xshash.
- Honor 500 Pro 6,55 dyuymli ekran, 200 MP asosiy kamera va 8000 mA·soatlik katta batareya bilan ta’minlangan model. Snapdragon 8 Elite protsessori bilan ishlaydi. 80 Vt simli va 50 Vt simsiz zaryadlashni qo‘llab-quvvatlaydi.
- Oppo Reno15 Pro yorqin 6,78 dyuymli OLED displey, Dimensity 8450 protsessori va 200 MP asosiy kameraga ega. 6500 mA·soat batareya, 80 Vt simli va 50 Vt simsiz zaryadlash mavjud.
- Poco F8 Ultra musiqa ixlosmandlari uchun maxsus yaratilgan model. 6,9 dyuymli AMOLED displey, Snapdragon 8 Elite Gen 5 protsessori va Bose bilan hamkorlikda yaratilgan 2.1 audio tizimiga ega. Orqa kameralar uchalasi ham 50 MP. 6500 mA·soat batareya 100 Vt simli va 50 Vt simsiz zaryadlashni qo‘llaydi.
Avvalroq uzoq vaqt xizmat qiladigan akkumulyatorli smartfonni qanday tanlash mumkinligi haqida maqola berilgandi. Bunda akkumulyator sig‘imi telefon qancha vaqt ishlashini belgilaydigan eng asosiy ko‘rsatkichlardan biri. MA/soat (mAh) birlikdagi bu raqam qanchalik katta bo‘lsa, telefon bir zaryadda shunchalik uzoq ishlaydi. Masalan, 5000 mA/soatli batareya odatda 3000 mA/soatlik batareyaga qaraganda ancha ko‘proq vaqt xizmat qiladi.
