Nio kompaniyasining Onvo L60 Black Knight Edition maxsus talqindagi elektromobili Xitoyda rasmiy yetkazib berila boshlandi. Fastback kuzovli ushbu SUV BaaS (Battery as a Service) rejasi bilan $21,9 mingdan taklif qilinmoqda. Seriya cheklangan bo‘lib, atigi 666 dona avtomobil ishlab chiqariladi.
Model 2024-yil sentabrda sotuvga chiqarilgan, Tesla Model Y’ga raqib sifatida taqdim etilgan standart Onvo L60 asosida yaratilgan. L60 dastlab 206,9–255,9 ming yuan ($29,26–36,19 ming) oraliq narxlarda taklif qilingan. BaaS rejasi orqali esa akkumulyatorsiz versiya 149,9 ming yuan ($21,2 ming) dan boshlangandi. Shunga qaramay, 2024-yil sentabrdan 2025-yil sentabrgacha bo‘lgan davrda model 68 707 dona sotilgan va bu Nio kutgan ko‘rsatkichlardan past bo‘lgan.
2025-yil sentabrda Onvo L60 yangilangan talqini chiqarildi. Narxlar o‘zgarmagani holda, funksional jihozlar boyitildi. Yetkazib berish oktabr o‘rtalarida boshlangan. Sotuvni jonlantirish maqsadida 5-dekabr kuni Nio Black Knight maxsus versiyasini taqdim etdi.
Narxlar:
| Model | Sotib olish turi | Narx |
|---|---|---|
| Onvo L60 Black Knight | BaaS (batareyasiz) | $21,900 |
| Onvo L60 Black Knight | Batareya bilan to‘liq | $29,965 |
| Onvo L90 Black Knight | BaaS (batareyasiz) | $31,060 |
| Onvo L90 Black Knight | Batareya bilan to‘liq | $43,160 |
Eslatib o‘tamiz, Kursiv Uzbekistan nashri Onvo L60 elektromobili ilk bor O‘zbekiston bozoriga olib kelingani haqida yozgan edi.
