Xiaomi 17 Ultra 1 dyuymli kamera bilan Yangi yilgacha taqdim etiladi
Xiaomi kompaniyasining navbatdagi superkamerafoni Xiaomi 17 Ultra kutilganidan ham erta taqdim etilishi mumkin. SmartPikachu nashriga ko‘ra, smartfon 15–25 dekabr oralig‘ida rasman namoyish qilinadi.
Asosiy e’tibor — 1 dyuymli kameraga
Yangi model narxi o‘tgan avlodga yaqin bo‘lishi kutilmoqda. Asosiy yangilik — 1 dyuymli 50 MP sensor (ehtimol, OmniVision OV50X). Kamera tizimi uch modulga qisqartiriladi:
- 50 MP 1 asosiy sensor,
- 200 MP periskop teleobyektiv,
- 50 MP keng burchakli modul.
Yangi aksessuar va qo‘shimcha imkoniyatlar
MIIT bazasida 25125PS17S raqamli yangi qurilma paydo bo‘ldi. U faqat Xiaomi 17 Ultra bilan ishlaydigan maxsus fotoaksessuar bo‘lishi mumkin. Eng qiziq jihati — ushbu gadjet smartfon uchun tashqi akkumulyator vazifasini ham bajarishi aytilmoqda.
Texnik xususiyatlar
Smartfon eng kuchli chipsetlardan biri — Snapdragon 8 Elite Gen 5 asosida ishlaydi. Shuningdek:
- 6000–7000 mA·soat sig‘imli batareya,
- ultratovushli barmoq izlari skaneri,
- ikki xil sun’iy yo‘ldosh tarmog‘ini qo‘llab-quvvatlash,
- mustahkamlangan korpus kutilmoqda.
SmartPikachu avval ham Xiaomi’ning yangi mahsulotlari haqida aniq ma’lumot bergan — u Xiaomi 13 Ultra va Xiaomi Pad 6 haqida birinchi bo‘lib xabar bergan edi.
Avvalroq Kursiv Uzbekistan Xiaomi Redmi Note 15 Pro 4G taqdimotdan oldin oshkor bo‘lgani haqida yozgandi.
