Qoraqalpog‘istonda qor yog‘di — video

Qoraqalpog‘istonning ayrim hududlarida qor yog‘moqda. Qo‘ng‘irot tumani hokimligiga ko‘ra, tumanning «Qoraqalpog‘iston» posyolkasi qalin qor bilan qoplandi.

Foto: Qo‘ng‘irot tumani hokimligi

«O‘zgidromet»ning Qoraqalpog‘istondagi Gidrometeorologiya markazi ham meteostansiya hududida qalin qor yogʻayotganini tasdiqladi.

Avvalroq 7-dekabr kuni O‘zbekiston hududida havo o‘zgaruvchan bo‘lishi kutilayotgani xabar qilingandi. Unga ko‘ra, ayrim joylarda yomg‘ir, shimolda esa yomg‘ir qorga aylanishi aytilgan. Shuningdek, ba’zi hududlarda tuman tushishi kuzatiladi.

Eslatib o‘tamiz, 8-dekabrdan O‘zbekistonga sovuq va nam havo massalari kirib keladi.