Hafta davomida qanday muhim hodisalar yuz berdi
615 nafar mahbus afv etildi, Humans ilovasidagi to‘lov xizmatlari vaqtincha to‘xtatildi, Maryam Tillayevaning to‘yi — hafta davomida bir qator muhim hodisalar yuz berdi.
Pokistonda «Yangi O‘zbekiston» massivi va bog‘i barpo etilishi mumkin
O‘zbekiston elchisi Alisher To‘xtayev Pokistonning «Habib Rafiq Pvt. Ltd» kompaniyasi bosh menejeri Aslam Malik bilan uchrashuv o‘tkazdi. Uchrashuvda ikki tomon hamkorlik imkoniyatlari, qo‘shma loyihalar va investitsiya sharoitlari yuzasidan fikr almashdi, deya xabar bermoqda «Dunyo» AA.
Foto: Sora
NASA kosmosda manipulyator robotini sinovdan o‘tkazmoqchi
NASA Motiv Space Systems kompaniyasi tomonidan ishlab chiqilgan manipulyator robotini kosmosda sinashni rejalashtirmoqda. Bu haqda Robots & Automation News nashri ma’lum qildi.
Foto: «O‘ztemiryo‘lyo‘lovchi» AJ
Hazorasp temir yo‘l vokzali yangi qiyofada foydalanishga topshirildi
Xorazm viloyatining Hazorasp tumanidagi temir yo‘l vokzal «O‘zbekiston temir yo‘llari» AJ tomonidan rekonstruksiya qilinib, tantanali ravishda foydalanishga topshirildi. Bu haqda «O‘ztemiryo‘lyo‘lovchi» AJ matbuot xizmati ma’lum qildi.
Foto: Reuters
Tailand Kambodjadagi harbiy obyektlarga havo zarbasi berdi
Tailand rasmiylari mamlakat harbiylari bahsli chegara hududidagi Kambodja pozitsiyalariga havo zarbasi berganini ma’lum qildi. Bangkokning ta’kidlashicha, bu Kambodja tomonidan sodir etilgan hujumga javob bo‘lgan.
Hokim va uning o‘rinbosarlari har 5 yilda rotatsiya qilinadi
Nohaq ishdan bo‘shatilgan 13 ming xodim ishiga tiklandi – prezident. Foto: ijtimoiy tarmoq
Kelasi yildan respublikaning 33 ta tuman va shaharda kadrlar rоtatsiyasi tizimi yo‘lga qo‘yiladi. Shuningdek, 2026-yil 1-yanvardan boshlab «Yangi O‘zbekiston» qiyofasidagi tuman (shahar) maqomiga ega bo‘lgan 33 ta hudud hokimliklarida natijaga asoslangan boshqaruv tizimi sinov tariqasida yo‘lga qo‘yiladi.
Xususiy havo datchiklari nega rasmiy ko‘rsatkichlardan farq qilmoqda — «O‘zgidromet» javob berdi
Kollaj: Kursiv Uzbekistan
O‘rganishlar natijasiga ko‘ra, ko‘plab tashkilotlar hamda fuqarolar tomonidan qurilmalar o‘rnatish standartlari va yo‘riqnoma talablariga muvofiq o‘rnatilmagani, natijada ko‘rsatkichlar xatoliklar bilan aks etayotgani aniqlandi. Noto‘g‘ri o‘rnatilgan datchiklar esa havo sifati bo‘yicha to‘g‘ri tasavvur shakllantirishga xalal berib, aholiga taqdim etilayotgan ma’lumotlarning sifatiga ta’sir qilgan. Shu bois «O‘zgidromet» o‘rganishlar davomida datchik egalari uchun qurilmalarni to‘g‘ri o‘rnatish bo‘yicha tavsiyalar berdi.
Dollar kursi dekabrning ilk haftasida qanchaga oshdi
Foto: Jonathan Borba / Unsplash
1 – 5-dekabr kunlari O‘zbekistonda AQSh dollarining rasmiy kursida ketma-ket tebranishlar kuzatildi. «Kursiv» nashri dollar valyutasining hafta davomidagi o‘zgarishi haqidagi maqolasini e’lon qiladi. Hafta boshida dollar ko‘tarilishdan start oldi. 1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi.
Bukmekerlikni targ‘ib qiluvchi 70 ga yaqin veb-sayt bloklandi
Foto: SureBets
Raqobatni rivojlantirish va iste’molchilar huquqlarini himoya qilish qo‘mitasi tomonidan qimor va tavakkalchilikka asoslangan o‘yinlarni targ‘ib qiluvchi 70 ga yaqin veb-sayt bloklandi. Unga ko‘ra, joriy yilda bukmekerlik xizmatlarini targ‘ib qiluvchi 86 ta veb-saytlar haqida tegishli nazorat organiga ma’lumotlar kiritildi. Shundan 70 ga yaqin sayt qimor va tavakkalchilikka asoslangan o‘yinlarning tarqalishini oldini olish maqsadida belgilangan tartibda bloklandi.
AQSh muhojirlarga ishlash uchun ruxsat muddatini qisqartirdi
Foto: QaziLaw
AQSh prezidenti Donald Tramp ma’muriyati muhojirlar, boshpana so‘raganlar va boshqa migrantlar uchun ishlash ruxsatlarining amal qilish muddatini besh yildan 18 oygacha qisqartirdi. AQSh Fuqarolik va immigratsiya xizmati (USCIS) direktori Jozef Edlou bayonotiga ko‘ra, qaror 26-noyabr kuni Vashingtonda milliy gvardiya a’zolari otib o‘ldirilgan voqeadan keyin jamoat xavfsizligini ta’minlash maqsadida qabul qilindi.
Endi o‘zbekistonliklar Telegram orqali kriptovalyuta sotib olishlari mumkin
Foto: Kursiv Uzbekistan
O‘zbekistonda Telegram messenjeri ichiga integratsiya qilingan xalqaro kripto hamyon Wallet ishga rasman tushirildi. Foydalanuvchilar endilikda mahalliy to‘lov tizimlari yordamida kriptovalyuta xarid qilish va sotish imkoniga ega bo‘ldi.
Humans ilovasidagi to‘lov xizmatlari vaqtincha to‘xtatildi — Markaziy bank izoh berdi
Foto: Humans
Markaziy bank 9-dekabr holatiga Humans mobil ilovasi orqali «Octagram» AJ tomonidan olib borilayotgan barcha to‘lov xizmatlari vaqtincha to‘xtatilganini ma’lum qildi.
Regulyatorga ko‘ra, 8-dekabr kuni ertalab fuqarolar Humans ilovasi orqali mablag‘lar yechib olingani haqida murojaatlar bildirgan. Shundan so‘ng Markaziy bank Octagram bilan bog‘lanib, xavfsizlikni ta’minlash maqsadida P2P operatsiyalarini to‘xtatish bo‘yicha ko‘rsatma berdi.
Papa John’s pitsa tarmog‘i Qozog‘iston va Qirg‘izistonda faoliyatini to‘liq to‘xtatdi
Amerikaning Papa John’s pitsa tarmog‘i Qozog‘iston va Qirg‘izistonda to‘liq yopilmoqda. Kursiv Media dunyodagi uchinchi eng yirik pitsa tarmog‘i nima uchun Markaziy Osiyodan chiqib ketayotgani haqida ma’lumot berdi.
Foto: karakalpakstan.travel
Qoraqalpoq o‘tovi YUNESKOning reprezentativ ro‘yxatiga kiritildi
Qoraqalpoq o‘tovi YUNESKOning Insoniyat nomoddiy madaniy merosining reprezentativ ro‘yxatiga kiritildi. Qaror Hindiston poytaxtida bo‘lib o‘tayotgan YUNESKO qo‘mitasining 20-sessiyasida bir ovozdan qabul qilindi. Ushbu nominatsiya O‘zbekiston, Qozog‘iston va Qirg‘iziston tomonidan qo‘shma tarzda taqdim etilgan.
Foto: The Voice Mag
Maryam Tillayeva bo‘lajak to‘yi tafsilotlarini ochiqladi — xarajatlar teng taqsimlanadi
O‘zbekistonning birinchi prezidenti Islom Karimovning nabirasi Maryam Tillayeva bo‘lajak turmush o‘rtog‘i Arnold bilan to‘y marosimini kelgusi yilning kuzida O‘zbekistonda o‘tkazishni rejalashtirmoqda. Bu haqda Tillayeva «Shurikning g‘aroyib sarguzashtlari» filmi premyerasida ma’lum qilgan.
Foto: Ijtimoiy tarmoq
O‘zbekistonda fuqarolar nomiga olib kiriladigan avtomobil importi qisqartiriladi
Jismoniy shaxslar nomiga rasmiylashtiriladigan yengil avtomobillar importi bosqichma-bosqich qisqartirilishi rejalashtirilmoqda. Buning o‘rniga yuridik shaxslar uchun mavjud bo‘lgan notarif cheklovlar yumshatilib, avtomobil olib kirish jarayonlari tartibga solinadi.
Foto: Abcmedia
Disney OpenAI’ga SI videolari yaratish uchun 1 milliard dollar sarmoya kiritadi
Disney OpenAI’ga $1 mlrd sarmoya kiritadi va startapga Sora AI video generatorida Star Wars, Pixar va Marvel brendlari personajlaridan foydalanishga ruxsat beradi. Bu haqda Reuters agentligi ma’lum qildi.
Foto: Reuters
Germaniya aholisi 2070-yilga kelib 10 millionga kamayishi mumkin — statistika
Germaniya aholisining qarishi va tug‘ilishning kamayishi natijasida kelajakda sezilarli demografik o‘zgarishlar kuzatilishi kutilmoqda. Bu haqda Reuters agentligi ma’lum qildi.
Foto: UzA
Shohjahon Ergashev Samarqandda kongolik bokschiga qarshi ringga ko‘tariladi
Professional boksning super yengil vazn toifasida IBF kamari uchun sobiq da’vogar Shohjahon Ergashev 20-dekabr kuni Samarqandda navbatdagi jangini o‘tkazadi. Bu haqda Olamsport xabar berdi.
