Izmir köfte (qiyma) — Turkiyaning g‘arbida joylashgan Izmir shahriga xos an’anaviy taom bo‘lib, go‘shtli köftelar va kartoshka pomidorli sousda pechda dimlab pishiriladi. Taom oddiyligi, to‘yimliligi va boy ta’mi bilan turk xonadonlarida ham, restoranlarida ham mashhur.
Kursiv Uzbekistan Izmir köfte taomini uy sharoitida qanday tayyorlanishini o‘rgatadi.
Masalliqlar
| Guruh | Masalliqlar | Miqdor / Izoh |
|---|---|---|
| Köfte | Mol go‘shti | 500–600 g |
| Tuxum | 1 dona | |
| Piyoz | 1 o‘rtacha dona | |
| Non uvog‘i / maydalangan non | 2–3 bo‘lak yoki 3 osh qoshiq | |
| Petrushka (mayda) | 2 osh qoshiq | |
| Ziravorlar: qora murch, paprika, tuz | Ta’bga ko‘ra | |
| Sabzavot | Kartoshka | 3–4 ta o‘rta, qalin doira shaklida kesilgan |
| Pomidor | 2–3 ta, tilimlangan | |
| Yashil qalampir (turk qalampiri) | 1–2 ta, uzun bo‘laklarda kesilgan | |
| Sous | Pomidor pyuresi | 200–250 ml |
| Pomidor pastasi | 1 osh qoshiq | |
| Sarimsoq | 2–3 dona, mayda to‘g‘ralgan | |
| Zaytun yog‘i | 2–3 osh qoshiq | |
| Tuz | Ta’bga ko‘ra | |
| Issiq suv | 100–150 ml, sousni suyultirish uchun |
Tayyorlash usuli
1.Piyozni pyure qilib, non uvog‘i va ziravorlar bilan aralashtiring.
2. Go‘sht, tuxum va petrushka qo‘shib, bir xil massa hosil bo‘lguncha qoring.
3. Massadan cho‘zinchoq köftelar yasang.
4. Kartoshkani tozalab, qalin doira shaklida kesing va quriting.
5. Kartoshkalarni yog‘da yarim pishguncha qovuring.
6. Shu yog‘da köftelarni barcha tomoni qizarguncha qovuring.
7. Alohida idishda pomidor pastasi, pomidor pyuresi va sarimsoqdan sous tayyorlang.
8. Sousga issiq suv qo‘shib, 5–10 daqiqa past olovda qaynatib oling.
9. Pech idishiga kartoshka va köftelarni joylab, ustidan sous quying.
10. Pomidor va qalampir bilan bezab, 200°C da 25–30 daqiqa pishiring.
Qanday tortiladi
Izmir köfte odatda guruch yoki bulg‘ur palovi, yangi non va yengil salatlar bilan dasturxonga tortiladi.
E’tiborlisi, bu taom muzlatkichda saqlash va muzlatish uchun ham juda qulay. Ertasi kuni esa yanada mazaliroq bo‘lib ketadi.
Yoqimli ishtaha!
