AQSh Turkmaniston va Afg‘oniston fuqarolariga kirishni chekladi

AQSh prezidenti Donald Tramp 16-dekabr kuni AQShga to‘liq yoki qisman kirish cheklovlari qo‘llaniladigan davlatlar ro‘yxatini kengaytirish to‘g‘risidagi farmonni imzoladi. Oq uy ma’lumotiga ko‘ra, ro‘yxat 19 ta davlatdan 39 taga yetdi.

Farmonga asosan, ayrim davlatlar uchun to‘liq taqiq, ayrimlari uchun esa qisman cheklovlar joriy etildi. Oq uy bu qarorni mazkur mamlakatlarda hujjatlarni tekshirish, xavfsizlik skriningi va ma’lumot almashish tizimlaridagi jiddiy kamchiliklar bilan izohladi.

Shuningdek, Falastin ma’muriyati bergan sayohat hujjatlariga ega shaxslarga ham qo‘shimcha cheklovlar kiritildi. Shu bilan birga, Turkmaniston fuqarolari uchun notijorat vizalar bo‘yicha taqiq bekor qilindi, ammo mamlakat fuqarolarining AQShga kirishi baribir cheklangan holda qolmoqda.

Farmon doimiy yashash huquqiga ega shaxslarga, amaldagi vizasi bor fuqarolarga, ayrim viza toifalariga va AQSh milliy manfaatlariga xizmat qiluvchi holatlarga tatbiq etilmaydi.

Quyida AQShga kirish bo‘yicha to‘liq va qisman cheklovlar qo‘llanilayotgan davlatlar ro‘yxati keltirilgan:

Eslatib o‘tamiz, Kursiv Uzbekistan nashri Tramp Vashingtonda g‘alaba arkasini qurmoqchi ekanligi haqida yozgan edi.