19-dekabr kuni Afg‘onistonda sodir bo‘lgan zilzila O‘zbekistonda ham sezildi. Bu haqda Seysmoprognostik monitoring markazi xabar berdi.
Unga ko‘ra, yer silkinishining magnitudasi 6, chuqurligi 105 kilometrni tashkil etdi. Zilzila soat 10:39 da sodir bo‘lgan. Zilzila epimarkazi Аfg‘onistonning Taxor viloyati. Epimarkaz Toshkentdan 551 km janubiy-sharqda. Koordinatalari 36,31 daraja shimoliy kenglik, 69,28 daraja sharqiy uzunlik.
O‘zbekiston hududlarida sezilish kuchi:
- Surxondaryo viloyatida 4 ball, 206 km;
- Qashqadaryo viloyatida 3 ball, 417 km;
- Samarqand viloyatida 3 ball, 423 km;
- Jizzax viloyatida 2-3 ball, 441 km;
- Sirdaryo viloyatida 2-3 ball, 467 km;
- Farg‘ona viloyatida 2-3 ball, 502 km;
- Navoiy viloyatida 2-3 ball, 542 km;
- Toshkent shahrida 2-3 ball, 550 km;
- Namangan viloyatida 2-3 ball, 561 km;
- Andijon viloyatida 2-3 ball, 564 km.
Eslatib o‘tamiz, avvalroq Qirg‘izistonning Jalolobod viloyatida yuz bergan zilzila ham O‘zbekistonda sezilgandi.
