Beruniyda tadbirkorning to‘yxonasini firibgarlar tortib oldi
eʼlon qilindi
Holat yuzasidan jinoyat ishi qo‘zg‘atildi
Beruniy tumanida fuqarolar o‘zaro til biriktirgan holda xususiy korxona rahbarining ishonchiga kirib, firibgarlik amalga oshirdi. Bu haqda Bosh prokuratura departamenti ma’lum qildi.
Tekshiruv natijasida ular ushbu korxonani MChJ sifatida o‘z nomlariga 100 foiz yakka ta’sischi va rahbar sifatida qayta ro‘yxatdan o‘tkazishga erishgan. Natijada tadbirkorning to‘yxona binosi firibgarlik yo‘li bilan qo‘lga kiritilgan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari davom ettirilmoqda.
Eslatib o‘tamiz, avvalroq xorijga ishga yuborishni va’da qilgan shaxslar ushlangan edi.
