Qamchiq dovonida yuk avtomobillari harakati vaqtincha cheklandi
eʼlon qilindi
19-dekabr soat 04:00 dan boshlab
Qamchiq dovonida yuk avtomobillari harakatiga vaqtincha cheklov o‘rnatildi. Bu haqda «Qamchiqavtoyo‘l IYFK» Telegram sahifasida ma‘lum qilindi.
Unga ko‘ra, Qamchiq dovonidagi 180-kmdagi transport vositalari vaznini nazorat qilish punktida elektr tarmog‘ida qisqa tutashuv yuz bergani tufayli ta’mirlash ishlari olib borilmoqda.
Shu sababli, Qamchiq dovonida «Vodiy–Toshkent» yo‘nalishida katta yuk avtomobillari harakati 19-dekabr soat 04:00 dan boshlab vaqtincha cheklandi.
Eslatib o‘tamiz, avvalroq Qamchiq dovonida kanatdan yiqilgan qiz haqida xabar bergan edik.
