Meksika oshxonasining eng mashhur taomlaridan biri bo‘lgan burrito bug‘doy unidan tayyorlangan yumshoq lavashga turli xil nachinkalar (arashma) solib o‘ralishi bilan ajralib turadi. Qiyma, sabzavotlar va pishloq uyg‘unligi tufayli burrito nafaqat to‘yimli, balki tez tayyorlanadigan quyuq taom hisoblanadi.
Kursiv Uzbekistan’ning ushbu retsepti bo‘yicha tayyorlangan lavashli burrito mazali, shirali va ko‘p aralashmali bo‘lib chiqadi.
| Masalliqlar | Miqdor | Eslatma |
|---|---|---|
| Lavash xamiri | 5 dona | Yumshoq, o‘rtacha kattalik |
| Piyoz | 1 dona | O‘rtacha, mayda to‘g‘raladi |
| Qizil bulg‘or qalampiri | 1 dona | Mayda to‘g‘raladi |
| Sarimsoqpiyoz | 2 tish | Ezilgan |
| Tomat pastasi | 50 g | |
| Konservalangan makkajo‘xori | 120 g | |
| Qattiq pishloq | 100 g | Yupqa kesiladi |
| Salat bargi | 1 bog‘ | Katta qilib to‘g‘raladi |
| Tuz | 1 choy qoshiq | Ta’bga ko‘ra |
| Qora murch | 0,5 choy qoshiq | Ta’bga ko‘ra |
| Achchiq qalampir | Ta’bga ko‘ra | Ixtiyoriy |
Tayyorlash bosqichlari
1-bosqich:
Piyoz va qizil bulg‘or qalampiri mayda to‘g‘raladi.
2-bosqich:
Piyozni o‘rtacha olovda qovurib, ustiga qiyma yoki boshqa aralashma qo‘shiladi.
3-bosqich:
10 daqiqa davomida aralashtirib qovuring. Keyin tomat pastasi, qalampir va ziravorlarni qo‘shing.
4-bosqich:
Oxirida makkajo‘xori qo‘shilib, yaxshilab aralashtiriladi. Aralashma tayyor bo‘ladi.
5-bosqich:
Salat barglarini yirik qilib, pishloqni yupqa qilib kesing.
6-bosqich:
Lavash xamiri ustiga tayyor aralashmani soling, ustiga pishloq va salat barglarini joylashtiring.
7-bosqich:
Lavashni rulet shaklida o‘rab, quruq tovada ikki tomonini oltin rang bo‘lguncha qizartiring.
8-bosqich:
Issiq holda dasturxonga torting.
Yoqimli ishtaha!
