Xitoy 2027-yil oxiriga borib Tayvanga qarshi urush ochishi mumkin — Pentagon

Xitoy yadroviy qurollar zaxirasini kengaytirish va modernizatsiya qilish orqali Tayvanga qarshi urush ochishga tayyorgarlik ko‘rayotgan bo‘lishi mumkin. Bu haqda Pentagonning loyihaviy hisobotiga tayanib, Reuters agentligi xabar berdi.

Hisobotda aytilishicha, Xitoy so‘nggi uchta silindr maydonlariga 100 dan ortiq DF-31 qattiq yonilg‘ili qit’alararo ballistik raketalarni joylashtirgan. Ushbu raketalar Xitoyning Mo‘g‘uliston bilan chegaraga yaqin hududlarida joylashgan.

Xitoy elchixonasi mamlakatning mudofaviy yadroviy strategiyani saqlab kelayotganini, yadroviy kuchlarini milliy xavfsizlik uchun zarur minimal darajada ushlab turganini va yadroviy sinovlar bo‘yicha moratoriyga sodiq ekanini bildirgan. Hisobotda yangi raketalarning potentsial maqsadlari aniqlanmagan. Xitoyning yadroviy kallaklari zaxirasi 2024-yilda taxminan 600 tani tashkil etgan va bu ko‘rsatkich 2030-yilga borib mingdan oshishi mumkin.

Hisobotda Xitoyning Tayvanni egallash uchun harbiy quvvatini oshirayotgani va zarbalar masofasi 1,5-2 ming dengiz milyasiga yetkazgani qayd etilgan. Bu esa Xitoyning 2027-yil oxirigacha Tayvanga qarshi urush ochishga tayyorlanayotganini ko‘rsatadi.

Eslatib o‘tamiz, avvalroq Pokiston Liviya Milliy armiyasiga harbiy texnika sotish bo‘yicha kelishuvga erishgan edi.