Osiyo Chempionlar ligasi Elit musobaqasining 6-turi doirasida «Nasaf» safarda Saudiya Arabistonining «Al Ittihod» jamoasi bilan kuch sinashdi.
Uchrashuvning 57-daqiqasida Karim Benzema tomonidan kiritilgan gol o‘yin taqdirini hal qildi va bahs 1:0 hisobida mezbonlar g‘alabasi bilan yakunlandi.
Uchrashuv davomida qarshiliklar nomdor raqibga qarshi faol o‘yin namoyish etdi. O‘yindan so‘ng o‘tkazilgan matbuot anjumanida «Nasaf» bosh murabbiyi Ro‘ziqul Berdiyev jamoaning harakatlariga ijobiy baho berdi.
«Bugungi o‘yinda yigitlar yaxshi harakat qilishdi va maydonda bor kuchlarini ishga solishdi», – dedi murabbiy.
Berdiyevning ta’kidlashicha, jamoa oxirigacha kurash olib borgan va qarshi hujumlarda golli vaziyatlar yaratishga muvaffaq bo‘lgan.
«Futbolchilarimga minnatdorlik bildiraman. Kuchli raqibga qarshi munosib qarshilik ko‘rsatdik», – deya fikrini yakunladi mutaxassis.
Avvalroq Kursiv Uzbekistan OChL Elit doirasida «Nasaf» o‘z maydonida imkoniyatni boy bergani haqida xabar bergan edi.
