Xiaomi kompaniyasi yaqin kunlarda taqdim etiladigan Xiaomi 17 Ultra smartfoni maxsus Leica Edition talqinida ham chiqishini rasman tasdiqladi. Bu haqda Gizmochina xabar bermoqda.
E’lon bilan birga qurilmaning qutisi tasvirlangan tizer ham namoyish etildi. Quti qora rangda bo‘lib, unda Xiaomi va Leica logotiplari joy olgan.
Rasmiy namunalarga ko‘ra, 17 Ultra’ning kamera tizimida apparat va dasturiy yechimlar birgalikda ishlaydi. Kompaniya bu model mobil suratga olishda yangi bosqichni boshlab berishini ta’kidlamoqda.
Texnik jihatlar ham tasdiqlandi. Smartfon 1 dyuymli asosiy sensor bilan jihozlanadi. Periskop telefoto kamera 200 MP bo‘ladi. U Leica’ning apoxromatik optik sertifikatiga ega. Bu xromatik aberratsiyani kamaytiradi va tasvir aniqligini oshiradi. Periskop tizimi 75 – 100 mm fokus oralig‘ida uzluksiz optik zumni ta’minlaydi.
Dizayn borasida model raqobatchilardan keskin farq qilmaydi. Rasmiy video tekis yon qirralar va yumaloq burchaklarni tasdiqlaydi. Qurilma to‘rt xil rangda taklif etiladi. Qalinligi 8,29 mm. Shu sabab Xiaomi 17 Ultra hozirgacha ishlab chiqarilgan eng yupqa Ultra model bo‘ladi.
Eslatib o‘tamiz, Kursiv Uzbekistan Xiaomi 17 Ultra 200 dollarga qimmatlashishi haqida yozgan edi.
