Ertalab o‘z vaqtida, yaxshi kayfiyatda va tetik uyg‘onish — unumli kunning muhim asosi. «Ertalab sehrlari» (Magiya utra dlya vlyublennix) kitobidan olingan tavsiyalar hatto o‘zini koala deb biladiganlarga ham uyg‘onishni osonlashtirishi mumkin.
1-daqiqa: rejani bir kun oldin belgilang
Uxlashdan oldin ertangi kun haqida ijobiy fikrlar shakllantiring. Yoqimli kutishlar bilan uxlagan odam ertalab ham yengil uyg‘onadi. Aksincha, murakkab kun haqidagi o‘ylar ertalab loqaydlikni kuchaytiradi.
2-daqiqa: budilnikni yotoqdan uzoqroq qo‘ying
Budilnikni o‘rindan uzoqroq joyga qo‘yish majburiy harakatni yuzaga keltiradi. Turib borish tanani uyg‘otadi va qayta uxlab qolish ehtimolini kamaytiradi.
3-daqiqa: tishlarni tozalang
Uyg‘ongach darhol tanish va oddiy harakat tish yuvish organizmni avtopilot rejimida uyg‘otadi. Og‘izdagi tozalık hissi keyingi qadamga tayyorlaydi.
4-daqiqa: bir stakan suv iching
6–8 soatlik uyqudan so‘ng organizm suvsizlanadi. Suv ichish kuch bag‘ishlaydi va holsizlikni kamaytiradi. Ko‘pincha charchoqning sababi uyqusizlik emas, suvsizlik bo‘ladi.
5-daqiqa: kiyining yoki dush qabul qiling
Sport kiyimida yengil mashq yoki yugurish, yoxud tetiklantiruvchi dush — ikkalasi ham tanani va ongni ish kuniga tayyorlaydi.
Ushbu besh qadam ertalabni tezda «ishga tushiradi». To‘g‘ri kayfiyat bilan boshlangan tong kun davomida yengillik va yoqimli holatni saqlashni osonlashtiradi.
