Ispaniyaning Mundo Deportivo nashri xabar berishicha, argentinalik afsonaviy hujumchi Diego Maradonaning yirtilgan libosi kimoshdi savdosida rekord narxga sotildi.
Auksion paytida narx $145 minggacha ko‘tarildi, ammo 23 foizli soliq tufayli Maradonaning yirtilgan formasining yakuniy narxi $179 mingni tashkil etdi.
Maradona bu formani 1984-yilgi Ispaniya kubogi finalida «Atletik Bilbao»ga qarshi o‘yinda kiygan. Uchrashuv 0:1 hisobida yakunlangandi. O‘yindan so‘ng futbolchilar o‘rtasida janjal kelib chiqdi, oqibatda argentinalik hujumchining libosi yirtilgan.
Xabarlarga ko‘ra, futbolka Kataloniya klubidagi kir yuvish xodimi tufayli saqlanib qolgan va u uni esdalik sifatida olishga qaror qilgan. Keyinchalik u uni do‘stiga bergan. Shundan so‘ng esa esdalik sovg‘asi uning o‘g‘liga meros bo‘lib qolgan.
Avvalroq «Kursiv» Telegram’dagi maxsus auksionda UFC afsonasi Habib Nurmagomedovga bag‘ishlangan 29 ming dona raqamli papaxa to‘liq xarid qilinganini yozgandi.
