Xitoy Markaziy televideniyesi xitoylik ishlab chiquvchilar magnit levitatsiya poyezdi (maglev) texnologiyasida yangi cho‘qqilarni zabt etgani haqida xabar berdi.
Kamida bir tonna og‘irlikdagi aravachaga ega prototip ikki soniyada noldan 700 km/soatgacha tezlashgan. Telekanalga ko‘ra, bu yutuq o‘ta o‘tkazuvchanlikdan tortib, quvvatni boshqarish tizimlari va favqulodda tormozlash paytida quvvatni tiklashgacha bo‘lgan ko‘plab sohalarda yutuqlarga yo‘l ochgan. Ishlab chiquvchilar bu rekordni 1000 km/soatga yetkazishni reja qilgan.
Bu rekord Xitoy Milliy mudofaa texnologiyalari universiteti tadqiqotchilari tomonidan o‘rnatilgan va maglev poyezdini soatiga 648 kmga tezlashtirish bo‘yicha avvalgi yutug‘idan oshib ketgan.
Maglevning rekord tezligiga 400 metrlik sinov yo‘lida erishilgan. Prototip yo‘lning barcha qismlarida ishonchli ishlagan va yo‘l oxirida xavfsiz tormozlangan. Ishlab chiqishga 10 yildan ortiq vaqt ketgan. Tezlik rekordi bir kun kelib Xitoyda yuqori tezlikdagi yerusti magistrallarining asosini tashkil qilishi mumkin.
Avvalroq «Kursiv» Xitoyda FAW-Toyota qo‘shma korxonasi tomonidan ishlab chiqarilgan yangi Toyota Corolla avtomobilining rasmiy savdolari boshlanganini yozgandi.
