Realme 6-yanvar kuni yangi Realme 16 Pro+ smartfonini rasman namoyish etadi. Kompaniya saytida qurilma sahifasi ochildi va asosiy xususiyatlar to‘liq oshkor bo‘ldi.
Smartfon Snapdragon 7 Gen 4 platformasida ishlaydi. Bu chipset Realme’ga ko‘ra o‘z segmentida yuqori unumdorlikni ta’minlaydi.
Qurilma 12/512 GB gacha xotira bilan taklif etiladi. Operativ xotira turi LPDDR5X-8400 bo‘ladi. Displey egri 4D formatda, cho‘qqi yorqinligi 6500 cd/m². Ramka qalinligi 1,48 mm, sensor chastotasi 2500 Hz.
Batareya sig‘imi 7000 mA/soat. Tezkor simli zaryadlash quvvati 80 W. Asosiy kamera 200 MP. Segment uchun noyob jihat – 50 MP periskop modul, optik yaqinlashtirish 3,5x.
Smartfon IP69K darajasida suv va changdan himoyalangan. Oltin rangli varianti dizayni bilan ajralib turadi.
Eslatib o‘tamiz, Kursiv Uzbekistan nashri Realme Neo 8 smartfoni yanvar oyida taqdim etilishi haqida yozgan edi.
