Kun ko‘plab muhim ishlar, shuningdek, ilgari hammani boshi berk ko‘chaga kiritib qo‘ygan masalalarni hal qilish uchun qulay bo‘ladi. Hatto ilgari o‘z rejalariga yengil-yelpi qarashga moyil bo‘lgan va g‘oyalari amalga oshishi mumkinligi haqida kam qayg‘uradigan odamlar ham bu safar muvaffaqiyatga erishishga yordam beradigan hayratlanarli darajada uzoqni ko‘ra oladi. Quyida 6-yanvar uchun munajjimlar bashoratini taqdim etamiz.
Qo‘y (21.03 – 20.04)
Sabrli bo‘ling. Nima bilan shug‘ullanishingizdan qat’i nazar, bugun tezkor natijalarni kutishning hojati yo‘q. Ba’zi ishlar boshqalarning sustkashligi tufayli cho‘zilib ketishi mumkin va siz ularni qanchalik shoshirmang, bu hech narsani o‘zgartirmaydi. Hazil tuyg‘usi ham qo‘l keladi. U tufayli siz har doim keskin daqiqalarni, vaziyatni yumshatish yo‘lini topasiz.
Buzoq (21.04 – 20.05)
Ishlarda tartib o‘rnatishga muvaffaq bo‘linadi. Avval boshlagan ishni oxiriga yetkazish, xulosalash, xatolaringni tuzatishning ham vaqti keladi. Burjning ko‘plab vakillari xotiralarga sho‘ng‘ishlari foydali bo‘ladi, o‘tmishdagi ba’zi voqealarni tahlil qilish ularni qiziqarli fikrlarga olib kelishi, keyingi qadamlarni ko‘rsatishi ehtimoldan xoli emas.
Egizaklar (21.05 – 21.06)
Agar vaqtni behuda sarflamasdan, samarali yo‘lga kirsangiz, sezilarli yutuqlarga erishasiz. Bugungi kunda ko‘p narsa sizning qanchalik izchil va intizomli harakat qilishga tayyorligingizga, chalg‘imasligingizga, hatto zerikib, quvnoqroq narsaga o‘tishni xohlaganingizda ham diqqatni jamlashga qanchalik tayyorligingizga bog‘liq bo‘ladi.
Qisqichbaqa (22.06 – 22.07)
Agar siz so‘nggi paytlarda zerikkan bo‘lsangiz yoki iste’dodingizni qo‘llashga behuda uringan bo‘lsangiz, bu kun vaziyatni o‘zgartirishi aniq. Haqiqiy qiziqarli ish bilan shug‘ullanish imkoniyati paydo bo‘ladi. Agar siz kutilmagan vazifalarni hal qilishga ijodiy yondashsangiz, buni sizga karyerangizda yangi pog‘onaga ko‘tarilishingizga yoki yangi sohada muvaffaqiyatga erishishingizga yordam beradiganlar payqashadi.
Arslon (23.07 – 22.08)
Shoshilmang. Endi o‘ylab, ehtiyotkorlik va vazminlik bilan harakat qilish, ochilayotgan imkoniyatlarni asta-sekin baholash va ozgina shubhali tuyulgan takliflardan voz kechish muhim. Ishonchlilik pul bilan bog‘liq har qanday ishni baholashda asosiy mezon bo‘lishi kerak. Xarid qilishda shoshilmaslik kerak, ayniqsa ular uchun kredit rasmiylashtirish zarur bo‘lsa. Shuningdek, o‘z mablag‘ingizni qisqa muddatga bo‘lsa ham birovga qarzga berishingiz ham to‘g‘ri emas.
Parizod (23.08 – 23.09)
Bu oddiy kun emas va o‘ylamasdan qilinadigan ishlardan tiyilgan ma’qul. Imkoniyat bo‘lsa, biror yangi, xavfli, qaltis ishga qo‘l urmang. Muhim qog‘ozlarga imzo chekmang, yangi loyihalarni boshlamang, balki hozirgi ishlarga e’tibor qarating.
Tarozi (24.09 – 23.10)
Kun siz xohlaganingizdan biroz murakkabroq bo‘lishi mumkin. Bu yerda gap nafaqat voqealarda, balki sizning ularga bo‘lgan munosabatingizda ham. Ko‘p narsalar muhim bo‘lib ko‘rinadi va eng ta’sirchanlar hatto kichik muvaffaqiyatsizliklar tufayli ham jiddiy xafa bo‘lishi mumkin. Har qanday ko‘ngilsizlikdan himoyalanishga urinish qiziqarli imkoniyatni qo‘ldan boy berishga olib kelishi mumkin, shuning uchun oqilona ehtiyotkorlik va umidsiz jasorat o‘rtasida oltin o‘rtalikni topish kerak.
Chayon (24.10 – 22.11)
O‘zgarishlar yaqinlashayotganini his qilasiz va ularga tayyorgarlik ko‘ra boshlaysiz. Afsuski, ma’lumot yetishmasligi imkoniyatingizni biroz cheklab qo‘yadi, intuitsiya esa siz istaganchalik o‘tkir bo‘lmaydi. Siz muzokaralar olib borishingiz va kelajak uchun rejalar tuzishingiz mumkin, ammo aniq qarorlar qabul qilish va majburiyatlarni o‘z zimmangizga olishga hali erta.
O‘qotar (23.11 – 21.12)
Kun juda omadli o‘tadi. Sizda muhim maqsadlarga erishish, o‘zingiz katta ahamiyat beradigan ishlarni uddalash imkoniyati bo‘ladi. Buning uchun deyarli kuch sarflashga hojat yo‘q, chunki yulduzlar siz tomonda bo‘ladi. Ko‘plarning shaxsiy hayotida ijobiy o‘zgarishlar sodir bo‘ladi, chunki burj vakillari o‘z vaqtida tashabbus ko‘rsatadilar.
Yangi loyihalarga dadil kirishing, ayniqsa ular foyda va’da qilsa. Agar siz bir kunda boyib ketmasangiz ham (bu ehtimoldan yiroq), moliyaviy ahvolingiz biroz yaxshilanadi yoki yaqin kelajakda daromadingizni oshirish uchun nima qilishingiz kerakligi aniq bo‘ladi.
Tog‘ echkisi (22.12 – 20.01)
Sizni juda omadli kun kutmoqda. Vaziyat yaxshi bo‘ladi, bundan foydalanib muhim ishlarni oxiriga yetkazasiz, o‘zingizni qiziqtirgan savollarga javob olasiz. Uzoq vaqtdan beri uchrasha olmagan odamlar bu safar o‘zlari tashabbus ko‘rsatadi va siz ular bilan umumiy masalalarni ham, ko‘plab muhim jihatlarni ham muhokama qilishingiz mumkin. Eski aloqalarni tiklashga qaror qilganlar buning uchun jiddiy harakat qilishi shart emas.
Qovg‘a (21.01 – 18.02)
Kunni ajoyib kayfiyatda o‘tkazasiz va uning birinchi yarmida yuzaga kelishi mumkin bo‘lgan kichik qiyinchiliklar va tushunmovchiliklar tufayli xafa bo‘lmaysiz. To‘g‘ri, eng faollar, agar uni amalga oshirishdan oldin hech kim bilan maslahatlashmasa, umidsiz loyiha uchun ko‘p kuch sarflashi mumkin. Ammo ular qimmatli tajriba orttiradi va ko‘p foydali narsalarni o‘rganadi. Umuman olganda, kun odatiy chegaralardan tashqariga chiqishdan qo‘rqmaydiganlarga ilhom va quvonch keltiradi.
Baliq (19.02 – 20.03)
Kun oson bo‘lmaydi, ayniqsa, maqsadlarga tez erishishga va kerakli natijalarga erishishga odatlanganlar uchun. Istagan narsangizga erishish uchun qayta-qayta harakat qilishingiz kerak bo‘ladi. Ammo eng qat’iyatlilar, albatta, o‘z maqsadiga erishadi. Bu borada ularga yangi tanishlari yordam berishi ehtimoldan xoli emas.
