AQSh Tojikiston va Qirg‘iziston fuqarolari uchun viza garov puli talabini joriy qildi

AQSh Davlat Departamenti 41 ta mamlakat fuqarolari uchun viza garov puli talab etilishini ma’lum qildi. Ular orasiga Tojikiston va Qirg‘iziston ham qo‘shildi.

Mazkur mamlakatlarning B1/B2 vizasi olishga huquqiga ega fuqarolari $5 ming, $10 ming yoki $15 ming miqdorida garov puli to‘lashi shart bo‘ladi. Garov puli miqdori viza intervyusi vaqtida belgilanadi. Arizachilar Ichki xavfsizlik departamentining I-352 shaklini ham topshirishi lozim va garov shartlariga Pay.gov platformasi orqali rozilik berishlari zarur.

Garov puli talab qilinadigan davlatlar ro‘yxati:

Talabgor ruxsat berilgan muddatdan oldin AQShdan chiqsa, viza muddati tugashidan oldin AQShga bormasa yoki kirish portida ruxsat olinmasa garov puli bekor qilinadi va mablag‘ avtomatik qaytariladi. To‘lov faqat konsul xodimi ko‘rsatmasidan keyin amalga oshirilishi mumkin.

Garov puli viza berilishini kafolatlamaydi. Konsul xodimi ko‘rsatmasiz to‘langan mablag‘ qaytarilmaydi. Garov sharti sifatida, talabgorlar Boston Logan (BOS), John F. Kennedy (JFK) va Washington Dulles (IAD) kabi belgilangan kirish portlari orqali AQShga kirib chiqishi lozim.

Agar talabgor garov shartlarini buzsa, Ichki xavfsizlik departamenti bu holatni USCIS’ga yuboradi. Masalan, talabgor ruxsat berilgan muddatdan keyin AQShda qolsa, muhojir bo‘lmagan maqomdan chiqsa yoki boshpana olish uchun ariza topshirsa, garov shartlarini buzgan hisoblanadi.

Eslatib o‘tamiz, avvalroq AQSh Turkmaniston fuqarolariga viza uchun garov puli talabi qo‘yilgan edi.