BMTning yangi hisobotiga ko‘ra, postsovet mamlakatlarida iqtisodiy o‘sish 2025-yilda 2,2 foizdan 2026-yilda 2,1 foizgacha pasayadi.
Kavkaz va Markaziy Osiyo mamlakatlari uchun ulardan Rossiya bilan savdo qilish uchun yuk tashish markazlari sifatida foydalanish bilan bog‘liq ta’sir asta-sekin kamayib bormoqda. Biroq hududdagi aksariyat mamlakatlar kuchli ichki talab bilan qo‘llab-quvvatlanadigan barqaror o‘sishni boshdan kechirishda davom etmoqda.
Ijobiy dinamikaning asosiy omillari real daromadlarning o‘sishi va ishsizlikning pasayishi bilan qo‘llab-quvvatlanadigan kuchli shaxsiy iste’mol, pul o‘tkazmalarining barqaror oqimi va uy xo‘jaliklarini kreditlashning tez o‘sishi hisoblanadi. Ta’kidlanishicha, davlat investitsiyalari, jumladan, mintaqaviy infratuzilma loyihalari ham iqtisodiy o‘sishga hissa qo‘shgan.
Hisobotda yozilishicha, postsovet iqtisodiyotlarining AQSh bozoriga cheklangan bog‘liqligi yuqori AQSh tariflarining ta’sirini sezilarli darajada kamaytiradi.
Shuningdek, Rossiya iqtisodiyoti 2026-yilda 1 foizga o‘sishi prognoz qilinmoqda, bu 2025-yildagi 0,8 foizdan yuqori. Ukraina iqtisodiyotida YaIM o‘sishi joriy yilda 2,3 foizni tashkil etishi kutilmoqda. Global iqtisodiy o‘sish 2,7 foizgacha pasayishi prognoz qilinmoqda, bu 2025-yildagi 2,8 foizlik prognozdan biroz past va pandemiyadan oldingi 3,2 foizlik oʻrtacha koʻrsatkichdan sezilarli darajada past.
Avvalroq «Kursiv» 2025-yilda Afg‘onistonning tashqi savdosi, Pokiston bilan bog‘liq qiyinchiliklarga qaramay Eron va Markaziy Osiyo orqali muqobil yo‘llar yaratilgani tufayli barqaror bo‘lib qolgani haqida yozgandi.
