Nissan kompaniyasi Tokioda yangilangan Nissan Z 2027 sportkarini taqdim etdi. Yaponiyada model Fairlady Z nomi bilan sotiladi. Avtomobilga yengil restayling qo‘llandi.
Eng asosiy o‘zgarish tashqi ko‘rinishda bo‘ldi. Old qism to‘liq yangilandi. Katta radiator panjarasi olib tashlandi. Dizayn soddaroq va klassikroq ko‘rinish oldi. Model yangi yashil rangda taklif qilinadi. Shuningdek, 19 dyuymli, 10 spisali yangi disklar paydo bo‘ldi.
Salon deyarli o‘zgarmadi. Endi och rangli, bej charm bilan bezash opsiyasi mavjud. Nismo versiyasida mexanik uzatmalar qutisi paydo bo‘ldi.
Texnik qism ham yangilandi. Amortizatorlar qayta sozlandi. Bu boshqaruvni yanada barqaror qiladi. Tormozlar kattalashtirildi. Natijada tormozlash samarasi oshdi.
Yangilangan Nissan Z savdosi avval Yaponiyada boshlanadi. Start yoz oylariga rejalashtirilgan. Model 2027-yilgi versiya sifatida taqdim etiladi.
Eslatib o‘tamiz, Kursiv Uzbekistan nashri yangilangan Nissan Pathfinder 2026 taqdim qilingani haqida yozgan edi.
