Turkish Airlines noqulay ob-havo tufayli Istanbuldagi 54 ta reysni bekor qildi

Turkish Airlines Istanbul aeroportida 12-yanvarga rejalashtirilgan 54 ta parvozni bekor qildi. Ushbu qaror shaharda kutilayotgan noqulay ob-havo sharoiti tufayli qabul qilindi.

Meteorologik favqulodda vaziyatlar qo‘mitasi noqulay ob-havo sharoitida yo‘lovchilar va ekipaj xavfsizligini ta’minlash maqsadida parvozlarni cheklash zarur degan xulosaga kelgan. Istanbulning ikkinchi yirik havo darvozasi Sabiha Go‘kchen xalqaro aeroportida ham operatsion cheklovlar joriy etildi.

Aeroport ma’muriyati Meteorologiya bosh boshqarmasining so‘nggi prognozlariga tayanib, dushanba kuni davomida parvozlar sig‘imini 10 foizga qisqartirish haqida e’lon qildi. Bu cheklov ushbu aeroport orqali amalga oshiriladigan ham ichki, ham xalqaro reyslarga ta’sir ko‘rsatadi.

Turkish Airlines yo‘lovchilarga aeroportga yo‘l olishdan avval aviakompaniya rasmiy manbalari orqali o‘z reyslari maqomini tekshirishni tavsiya qilgan.

Avvalroq kursiv Uzbekistan Turkish Airlines kompaniyasining daromadi uchinchi chorakda $7 mlrdga yetgani haqida xabar berilgan edi.