O‘zbekistonda oltin quymalar narxi oshishda davom etmoqda. Markaziy bank 14-yanvar Toshkent vaqti bilan soat 09:22 holatiga oltin quymalarini sotish va sotib olish narxlarini e’lon qildi.
Xususan, 5 grammli oltin quymaning narxi 9,215 mln so‘mdan 9,262 mln so‘mga oshdi. Uni qaytarib sotib olish narxi esa qadog‘i but holatda 8,857 mln so‘mdan 8,902 mln so‘mga, talablarga mos kelmaydigan holatda 8,768 mln so‘mdan 8,812 mln so‘mga ko‘tarildi.
Quyida oltin quymalarining grammlariga nisbatan sotish va sotib olish narxlari keltirilgan:
| Og‘irligi | Sotish narxi | Qaytarib sotib olish (qadog‘i but) | Qaytarib sotib olish (qadog‘i buzilgan yoki texnik talablarga mos emas) |
|---|---|---|---|
| 5 gramm | 9 262 000 so‘m | 8 902 000 so‘m | 8 812 000 so‘m |
| 10 gramm | 18 523 000 so‘m | 17 804 000 so‘m | 17 624 000 so‘m |
| 20 gramm | 37 046 000 so‘m | 35 607 000 so‘m | 35 248 000 so‘m |
| 50 gramm | 92 615 000 so‘m | 89 019 000 so‘m | 88 119 000 so‘m |
| 100 gramm | 185 230 000 so‘m | 178 037 000 so‘m | 176 239 000 so‘m |
Shu bilan birga, Markaziy bank xalqaro qimmatbaho metallar bozori konyunkturasidan kelib chiqib, narxlar kun davomida qayta ko‘rib chiqilishi mumkinligi qo‘shimcha qildi.
Jahon bozorida ham oltin oshdi. Xususan, 14-yanvar Toshkent vaqti bilan soat 10:23 holatiga oltin narxi bir unsiya uchun $4 632 mingni tashkil etdi.
Eslatib o‘tamiz, bundan oldin ham oltin narxi tarixiy maksimumni yangilab, $4,6 mingdan oshgandi. Savdo ma’lumotlariga ko‘ra, 12-yanvar kuni Toshkent vaqti bilan soat 05:47 da oltin narxi $4,6 mingni tashkil etib, 1,92 foizga oshgan. Soat 05:55 ga kelib esa narx yanada ko‘tarilib, bir unsiya uchun $4, 61 mingga yetdi. Bu o‘sish 2,03 foizni tashkil etdi.
